| e-texts navigator |
| Wylie |
337a1 པ་ཉིད་དང་། དོན་མཉམ་པ་ཉིད་དང་། ཆོས་ཐམས་ཅད་ལྷུན་གྱིས་གྲུབ་པ་མཉམ་པ་ཉིད་དོ།། ཨེ་མ་ཧོ།། འཁོར་དང་མྱ་ངན་འདས་པའི་ཆོས།། གཅིག་དང་དུ་མའི་བརྗོད་ལས་འདས།། འདི་ཞེས
337a2 གཅིག་ཏུ་བསྟན་པར་དཀའ།། འཁོར་བ་ཉིད་ཀྱང་མྱ་ངན་འདས།། ཞེས་གསུངས་སོ།། མ་བཅོས་མ་བསླད་པར་རྟོགས་ན།། ཡིད་བཞིན་ནོར་བུ་འདྲ་བའི་ཕྱིར།། གང་ལྟར་བྱས་ཀྱང་ལྷུན་གྱིས་གྲུབ།། དབྱེ་བ་མེད་པའི
337a3 དོན་རྟོགས་སོ།། བྱང་ཆུབ་སེམས་ཀྱི་ངོ་བོ་ནི།། ནམ་མཁའ་བཞིན་དུ་བརྟག་དཀའ་ཞིང་།། ཅིར་ཡང་མེད་པར་ཅིར་ཡང་སྣང་། དོན་དམ་ཀུན་རྫོབ་གཉིས་སུ་སྣང་།། གཅིག་དང་དུ་མ་གཉིས་སུ་སྣང་།། འཁོར་བ་ཉིད
337a4 ཀྱང་མྱ་ངན་འདས།། མ་རིག་ཉིད་ཀྱང་ཡང་དག་ལམ།། བྱང་ཆུབ་སེམས་ཀྱི་དོན་རྟོགས་ན།། རྟོག་པ་གཡེང་བ་ཆོས་ཀྱི་སྐུ།། མ་རིག་ཡེ་ཤེས་ཐ་དད་མེད།། སོ་སོ་སྣང་བ་ཕྱེ་བ་ཙམ།། མ་རིག་པ་ཡང་ལམ་དུ
337a5 གཅིག། དང་པོ་གང་ནས་མ་བྱུང་བས།། ཐ་མ་གར་ཡང་འགྲོ་བ་མེད།། དང་པོ་སྐྱེ་བའི་རྒྱུ་མེད་པས།། ཐ་མ་འཆི་བའི་ལམ་ཡང་མེད།། དངོས་པོ་ཅི་ལ་ཡང་མི་གནས་པས།། འདི་ཞེས་གཅིག་ཏུ་བསྟན་ཏུ་མེད།། སྐྱེ
337a6 ཞིང་འཕོ་བའི་གནས་མེད་པས།། བསད་ཅིང་བཅད་པ་བསྒྲུབ་ཏུ་མེད།། མ་རིག་པ་ཡི་རྟོག་པ་ཡིས།། མི་མཐུན་བདེ་སྡུག་མྱོང་བར་འགྱུར།། རྡོ་རྗེ་ལྟ་བུར་གནས་པ་ལ།། སྒྱུ་མ་ཆུ་ཟླ་བྲག་ཆ་འདྲ།། ཞེས་གསང་བའི
iiif viewer powered by OpenSeadragon
