| e-texts navigator |
| Wylie |
335b1 པོ་རྣམས།། སོ་སོའི་སྔགས་ཀྱིས་ལས་ལ་སྦྱར།། རྡོ་རྗེ་འཛིན་པ་ཆེན་པོ་ཡིས།། བྱང་ཆུབ་སེམས་ཀྱི་བསམ་པ་ཡིས།། ལྟོས་དང་རེ་བ་ཀུན་སྤངས་ཏེ།། སངས་རྒྱས་བསྟན་ལ་རབ་དམིགས་ནས།། དྲག་སྔགས་བདག་པོ
335b2 ཉེར་བསྒྲུབས་ན།། ང་དང་སངས་རྒྱས་ཐམས་ཅད་མཉེས།། རིག་པ་འཛིན་པའི་ས་ཐོབ་ཅིང་།། སེམས་ཅན་རྣམས་ཀྱི་སྟོན་པར་འགྱུར།། ཐུན་མོང་བ་དང་ཉེ་བ་དང་།། མཆོག་གྱུར་རིང་བའི་དངོས་གྲུབ
335b3 རྣམས།། དཔའ་བོ་དེ་ལ་མངོན་དུ་འབྱུང་།། ཡོན་ཏན་མཆོག་གི་སྟོབས་རྙེད་ཅིང་།། འཇིག་རྟེན་ཆོས་ལ་རབ་བསྔགས་པའི།། བྱང་ཆུབ་སེམས་དཔའི་སྤྱོད་པ་དང་།། ས་ཆེན་པོ་ལ་གཏོགས་པ་ཡི།། རླབས་ཆེན་རྣམས
335b4 ཀྱང་ནུས་པར་སྤྱོད།། མཐུ་སྟོབས་ནུས་པས་བསྙེམས་པ་ཡི།། གཞན་གྱིས་བརྫི་བར་མི་ནུས་ཤིང་།། རང་གི་དབང་དུ་ཁུག་པ་དང་།། བསྒོ་བ་རྫོབ་པ་མེད་པར་འགྱུར།། ཞེས་བཀའ་སྩལ་ཏོ།། དྲག་སྔགས་འདུས་པ་རྡོ
335b5 རྗེ་རྩ་བའི་རྒྱུད་ལས། བསྟོད་པ་ཡོན་ཏན་བརྗོད་པའི་ལེའུ་སྟེ་བཅུ་པའོ།། །། དེ་ནས་བཅོམ་ལྡན་འདས་རྡོ་རྗེ་འཛིན་པ་ཆེན་པོས། ཉིད་ཀྱི་སྐུ་འཇིགས་བྱེད་ཆེན་པོའི་ཆ་ལུགས་སུ་སྤྲུལ་པ་དེ། ཐུགས་ཆོས་ཉིད་ཞི
335b6 བ་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ནས། སྐུའི་གནས་ཐམས་ཅད་ལ་འོད་ཟེར་གྱི་དྲ་བ་དཔག་ཏུ་མེད་པ་ཕྱུང་ནས། ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ཀྱི་དྲེགས་པ་ཅན་གྱི་གནས་ཐམས་ཅད
iiif viewer powered by OpenSeadragon
