| e-texts navigator |
| Wylie |
335a1 གཡས་ལ་ཤེལ་གྲི་གཡོན།། རྡོ་རྗེ་མཛེས་པ་འཇམ་པ་ཡང་མདོག་དམར་པོ།། རུ་མཚོན་དར་དམར་ཕྱག་གིས་འཛིན།། ཁུ་ལེ་ལག་དགུ་འབར་བ་ཡང་།། མདོག་སེར་སྤྲུལ་པ་ལག་དགུ་འགྱེད།། ཞིང་ལྤགས
335a2 བགོས་ཤིང་ཏི་ར་གནོན།། དྲག་སྔགས་བདག་པོ་གཙོ་འཁོར་བཅས།། རང་གི་རིགས་ཀྱི་འཁོར་འདུལ་བ།། སོ་སོའི་སྤྲུལ་པ་བསམ་མི་ཁྱབ།། གཅོད་པར་བྱེད་པ་བདུད་ཀྱི་སྡེ། འཆིང་བར་བྱེད་པ་བཙན་གྱི
335a3 སྡེ།། གསོད་བྱེད་ཤན་པ་སྲིན་པོའི་སྡེ།། གདུག་རྩུབ་འཆང་བ་གནོད་སྦྱིན་སྡེ།། དྲག་རྩལ་ལྡན་པ་ལྷ་ཡི་སྡེ། ནད་གདོན་འབེབས་པ་མ་མོའི་སྡེ།། ནམ་མཁར་དབང་བསྒྱུར་གཟའ་ཡི་སྡེ། གླེན་ལྐུགས་གདུག་པ་ཀླུ་ཡི
335a4 སྡེ།། སྡེ་བརྒྱད་དམོད་པའི་དྲག་སྔགས་ཅན།། མཐུ་དང་རྫུ་འཕྲུལ་བསམ་མི་ཁྱབ།། འཁོར་དང་སྡེ་རིགས་བརྗོད་མི་ལང་། ཕྲིན་ལས་མི་ཟད་ལོངས་སྤྱོད་གཏེར།། ཡོན་ཏན་ནུས་པ་དཔག་ཏུ་མེད།། ཞེ་སྡང་ཅན་ལ་ཁྲོ
335a5 བར་སྟོན།། ང་རྒྱལ་ཅན་ལ་ལྷག་པར་སྟོན།། འདོད་ཆགས་ཅན་ལ་མི་སྡུག་སྟོན།། གཏི་མུག་ཅན་ལ་མྱོས་པར་སྟོན།། སེར་སྣ་ཅན་ལ་ཕྲོག་པར་སྟོན།། ཕྲག་དོག་ཅན་ལ་འཇིགས་པར་སྟོན།། ཁྱོད་ཀྱིས་མི་འདུལ
335a6 གཅིག་མེད་ཀྱིས།། མཆོད་ཅིང་བསྐང་བའི་མཐུན་རྫས་བཞེས།། བཅོལ་ཞིང་གཉེར་བའི་ལས་མཛོད་ཅིག། བསྟོད་ཅིང་བསྒྲུབ་པས་དགྱེས་པར་མཛོད།། དེ་ནས་རང་གི་སྙིང་པོ་དང་།། འཇིག་རྟེན་དྲེགས་པའི་བདག
iiif viewer powered by OpenSeadragon
