| e-texts navigator |
| Wylie |
334b1 གསོད་པར་བྱེད་པ་མོ།། གྲི་གུག་མི་ཐོད་ཕྱག་ན་བསྣམས།། ན་བཟའ་ཞིང་ལྤགས་རློན་པ་གསོལ།། སྟག་སེང་རྔམས་པ་ཆིབས་སུ་བཅིབས།། གནོད་སྦྱིན་གང་བ་བཟང་པོ་ཡང་།། ཞལ་གཅིག་ཕྱག་གཉིས་སྐུ་མདོག
334b2 སྔོ།། དར་ནག་འཕྱར་ཞིང་ཞིང་ལྤགས་རྡེབས།། ཡུམ་ཆེན་ཤ་ཟ་རལ་གཅིག་མ།། ཡབ་ཀྱི་ཚུལ་འཛིན་གྲུབ་པ་མོ།། ཞིང་ལྤགས་གྱོན་ཏེ་གྱི་ལིང་བཅིབས།། དྲག་སྔགས་བདག་པོ་ཆེན་པོ་ནི།། དབང་ཕྱུག་ཆེན་པོ་ལྷ་ཡི
334b3 གཙོ།། མདོག་དཀར་ཤེལ་གྲི་བ་དན་འཕྱར།། ན་བཟའ་དར་དཀར་བེར་ཆེན་གསོལ།། ཆིབས་སུ་གནམ་རུ་དཀར་པོ་བཅིབས།། ཐར་པ་ནག་པོ་རཱ་ཏྲའི་གཙོ།། མཆོད་གཏོར་དུག་ཐུན་ཕྱག་ན་བསྣམས།། ཞིང་ལྤགས
334b4 གོན་ཏེ་དོམ་ནག་བཅིབས།། དམུ་བདུད་རྗེ་དཔོན་ནག་པོ་ནི།། དར་ནག་འཕྱར་ཞིང་ཏི་ར་བགྲད།། བེར་ནག་གསོལ་ཞིང་དམུ་རྟ་བཅིབས།། མུ་སྟེགས་ཀ་ལ་ཡག་ཤ་ནི།། མཐིང་ནག་ཁ་ཊྭཱཾ་ཏྲི་ཤུལ་འཛིན།། ཞིང
334b5 ལྤགས་བགོས་ཏེ་མ་ཧེ་བཅིབས།། ཁྱབ་འཇུག་རོག་ཏི་ནག་པོ་ཡང་།། ཁྲམ་ཤིང་དགྲ་སྟ་ཕྱག་གིས་འཛིན།། སྤྲིན་ནག་བགོས་ཤིང་འབྲུག་སྔོན་བཅིབས།། ཀླུ་རྒྱལ་བཱ་རུ་ཎ་ཡི་རྗེ།། སེར་ནག་སྦྲུལ་གྱི་ན་བཟའ
334b6 གསོལ།། བུམ་པ་རུས་སྦལ་ཕྱག་གིས་འཛིན།། ཆིབས་སུ་ཆུ་སྲིན་མགོ་དགུ་བཅིབས།། རྒྱལ་པོ་ཧར་མཛེས་ཞེས་བྱ་ཡང་།། མདོག་དཀར་ཤེལ་གྲི་དར་དཀར་འཛིན།། སྲས་མཆོག་འབར་བ་དམར་པོ་ནི།། མདུང་རིང
iiif viewer powered by OpenSeadragon
