| e-texts navigator |
| Wylie |
334a1 གཡས་གཡོན་དང་པོ་ཡིས།། རྡོ་རྗེ་དུང་ཁྲག་དཀྲུགས་ཤིང་གསོལ།། གཡས་གཡོན་འོག་མའི་ཕྱག་བཞི་ཡི།། ལྷ་བརྒྱད་ཀླུ་བརྒྱད་ཙིཏྟ་རོལ།། ཡུམ་ཆེན་ཞལ་གཅིག་ཕྱག་གཉིས་མ།། སྐུ་མདོག་མཐིང
334a2 ནག་ཞབས་གཉིས་སྦྱོར།། གཡས་ཀྱིས་ནམ་མཁའ་སྟོང་པ་འདེགས།། གཡོན་གྱིས་འཇིག་རྟེན་ས་གཞི་གནོན།། ཞལ་ནས་འབྱུང་བ་ལྔ་འཆར་མ།། དཔལ་ཆེན་ཡུམ་གྱི་བྱིན་རླབས་ལས།། སྤྲུལ་པ་དྲེགས་པ་ཕོ་མོའི
334a3 ཚོགས།། བདུད་ནག་མེ་ཡི་ཁ་བརླངས་ཅན།། ཞལ་གཅིག་ཕྱག་གཉིས་སྐུ་མདོག་མཐིང་།། ཁྲམ་ཤིང་ཏྲི་ཤཱུལ་གཡས་ན་བསྣམས།། གཡོན་གྱིས་ཁ་ཊྭཱཾ་ཞགས་པ་འཕེན།། ན་བཟའ་ཞིང་ལྤགས་རློན་པ་གསོལ།། ཞབས
334a4 གཉིས་གདུག་པའི་སྙིང་ལ་གཟིར།། ཡུམ་ཆེན་བདུད་མོ་ཁྲག་འཛག་མ།། ཁྲམ་བམ་ཐོད་ཁྲག་ཕྱག་ན་བསྣམས།། སྐུ་ལ་ཞིང་ལྤགས་གསར་པ་བགོས།། བདུད་རྟ་ནག་པོ་ཆིབས་སུ་བཅིབས།། ཞབས་ཀྱིས་དགྲ
334a5 བགེགས་ཤུགས་ཀྱིས་སྒྲོལ།། འཆི་བདག་གཤིན་རྗེ་ནག་པོ་ནི།། ཞལ་གཅིག་ཕྱག་གཉིས་སྐུ་མདོག་ནག། ཕྱག་གཡས་ཐོད་ཁྲག་གྲི་གུག་གཡོན།། བཙུན་མོ་ཡུམ་ཆེན་ཟ་བྱེད་མ།། གྲི་གུག་ཐོད་པ་ཕྱག་ན
334a6 བསྣམས།། ཡབ་ཡུམ་ཞིང་ལྤགས་རློན་པ་གསོལ།། མ་ཧེ་ཁྲོས་དང་ཆུ་གླང་བཅིབས།། ཞབས་ཀྱིས་དགྲ་བགེགས་ཕོ་མོ་གཟིར། སྲིན་པོ་གསོད་བྱེད་སྐུ་མདོག་ནག། ཕྱག་ན་རལ་གྲི་ཐོད་ཕྲག་བསྣམས། ཡུམ་ཆེན
iiif viewer powered by OpenSeadragon
