| e-texts navigator |
| Wylie |
333b1 རབ་ཏུ་འབར།། ས་དགུ་རྫོགས་པའི་དབུ་དགུ་བསྟན།། སྟོང་པ་བཅོ་བརྒྱད་ལྡན་པའི་ཕྱག། ཞབས་ཀྱིས་འཇིགས་པའི་བདུད་བཞི་གནོན།། དབུས་མཐིང་གཡས་དཀར་གཡོན་དམར་བ།། ཁྲོ་ཞིང་བཞད་དང
333b2 གཙིགས་པའི་ཞལ།། རལ་པ་ཁམ་ནག་སྲིད་རྩེར་འབར།། ཁམས་གསུམ་མ་ལུས་སྤྱན་གྱིས་གཟིགས།། ཤངས་ཀྱིས་སྲིད་གསུམ་མ་ལུས་རྔུབས།། སྙན་གྱིས་སྟོང་གསུམ་འབྲུག་སྒྲས་འགེངས།། ཚེམས་ཀྱིས་གནོད
333b3 གདུག་མ་ལུས་སྒྲོལ།། ལྗགས་ཀྱིས་གློག་དམར་འཇིག་རྟེན་ཁྱབ།། ཁྲོ་གཉེར་འོད་ཀྱིས་དབང་དུ་སྡུད།། ཕྲིན་ལས་རིགས་ཀྱིས་དབུ་ལ་བརྒྱན།། བཅོ་བརྒྱད་ཕྱག་གི་དང་པོ་གཉིས།། དབང་སྡུད་རྡོ་རྗེ་དྲིལ་བུ
333b4 འཛིན།། གཡས་གཡོན་འོག་མའི་ཕྱག་བརྒྱད་ན།། དྲེགས་པའི་ལྷ་བརྒྱད་བྷནྡ་གཡས།། ཙིཏྟ་སྲོག་རྩ་གཡོན་ན་བསྣམས།། འབར་བའི་ཆས་ཀྱིས་སྐུ་ལ་བརྒྱན།། སྤྲུལ་པའི་ལྷ་བརྒྱད་སྐུ་ལ་རྫོགས།། གཡས་གཡོན
333b5 ཞབས་ཀྱིས་དྲེགས་པ་གཟིར།། མ་རུངས་གདུལ་དཀའ་རྣམས་ཀྱི་གཤེད།། ལོ་ལྟ་རཱ་ཏྲ་འདུལ་བའི་དཔལ།། འབྱུང་ལྔའི་བདག་མོ་གཉིས་མེད་ཡུམ།། དབུ་གསུམ་ཕྱག་དྲུག་ཞབས་བཞི་སྦྱོར།། གྲི་གུག་ཏྲི་ཤཱུལ་བདུད
333b6 རྩི་གཡས།། བྷནྡ་ཞིང་ཆེན་གཡང་གཞི་གཡོན།། མཐིང་ནག་འོད་ཀྱིས་ཀུན་ཏུ་ཁྱབ།། ཆེད་འགའ་རིགས་ཀྱི་སྤྲུལ་པ་ནི།། དབུ་གསུམ་ཕྱག་དྲུག་ཞབས་བཞི་བགྲད།། སྐུ་མདོག་མཐིང་ནག་ཁྲོ་ཞིང་རྔམས།། ཕྱག་དྲུག
iiif viewer powered by OpenSeadragon
