| e-texts navigator |
| Wylie |
265a1 ཤེས་ལྔ་ཡིས་ཀུན་ཏུ་གཟིགས།། ཕ་རོལ་ཕྱིན་དྲག་ཕྱག་རྒྱ་ལས།། དང་པོ་རྡོ་རྗེ་དྲིལ་བུ་བསྡམས།། ཉོན་མོངས་འཇོམས་ཤིང་ཆོས་སྒྲ་སྒྲོགས།། བར་མ་དྲིལ་ཞགས་བྷརྡྷ་ནི།། ཁམས་གསུམ་སྤྲོས་བྲལ
265a2 ས་ལ་འགོད།། ཟ་མ་བདུད་རྩི་གཡང་གཞི་ཡིས།། ཐུགས་རྗེ་ལོངས་སྤྱོད་མཉམ་པར་མཛད།། མཁའ་བཞི་བདེ་ཀློང་གཅིག་ཏུ་འཁྲིལ།། རིགས་ལྔ་གཅིག་ཏུ་སྐྱེད་ཅིང་སྡུད།། ཞབས་བརྒྱད་དྲེགས་པའི་ལྷ་བརྒྱད
265a3 གཟིར།། རྣམ་པར་ཐར་བརྒྱད་ལམ་ལ་འགོད།། གཉིས་སུ་མེད་པའི་འཕྲོ་འདུ་ལས།། བྱང་ཆུབ་སེམས་ཀྱི་སྤྲིན་ཚོགས་ལས།། ཡེ་ཤེས་མ་མོ་འཆར་ཞིང་འཕྲོ།། ལས་ཀྱི་མ་མོ་རྒོད་ཅིང་གཏོང་།། སྤྲུལ་པའི་མ་མོ་མཆོད
265a4 ཅིང་ལྷ།། མངོན་རྫོགས་ཡབ་ཡུམ་སྐུ་ལ་བསྟོད།། ཤར་ཕྱོགས་མཁའ་འགྲོ་སེང་གེའི་གདོང་།། རྟག་པའི་རྒྱལ་མོ་རྣམ་སྣང་གསལ།། སྐུ་མདོག་དཀར་མོ་ཤེལ་ལྟར་དག། དཀར་ལ་དག་པའི་ན་བཟའ་གསོལ།། དབུ
265a5 གསུམ་ཕྱག་དྲུག་ཞབས་བཞིར་བགྲད།། མི་འཇིགས་སེང་གེའི་གདོང་དང་ལྡན།། དང་པོ་རྡོ་རྗེ་བྷནྡ་འབར།། བར་མ་དགྲ་སྟ་གཏུན་ཤིང་བརྡེག། ཐ་མ་སེང་གེ་མཆོག་ཆེན་སྙོད།། ཞབས་བཞི་བརྒྱ་བྱིན་སྟེང་ནས
265a6 བགྲད།། ལྷོ་ཕྱོགས་མཁའ་འགྲོ་བ་གླང་གདོང་།། རྟག་པའི་རྒྱལ་མོ་འོད་འབར་གསལ།། སྐུ་མདོག་སྔོན་མོ་འབར་བ་ལ།། ན་བཟའ་མཐིང་སྔོན་བཻ་ཌཱུརྱ།། དབུ་གསུམ་ཕྱག་དྲུག་ཞབས་བཞིར་བགྲད།། དང་པོ་རིན
iiif viewer powered by OpenSeadragon
