| e-texts navigator |
| Wylie |
263a1 གཅོད་མ་བསྐྱེད།། ཆགས་བྱེད་ཆ་སྙོམས་བསྒྱེལ་བ་ལ།། གསང་བའི་རྩ་ལས་དུག་གསུམ་དག། དབང་སྡུད་མ་མོ་བསྐྱེད་པར་བྱ།། ཨེ་ཀ་ཛ་ཏི་སྤུན་དྲུག་ལ།། གཞུང་ཆེན་རྩ་ལས་སྐྱེ་ཤི་དག། རྩ་གཅོད
263a2 བྱེད་མ་བསྐྱེད་པར་བྱ།། འདོད་ཁམས་གཙོ་མོ་སྤྱན་གཉིས་ལ།། སྲོག་གནས་པ་ཡི་རྩ་ལ་ནི།། པདྨ་ཀྲོ་ཏཱི་ཤྭ་རཱིར་བསྐྱེད།། ནམ་མཁའི་རྒྱལ་མོ་བསྒྱེལ་བ་ལ།། ལྟེ་བར་གནས་པའི་རྩ་ཆེན་ལས།། ཡཀྐ་ཀྲོ་ཏི་ཤྭ་རིར
263a3 བསྐྱེད།། མ་བདུན་གདན་ལ་སྙིང་རྩ་ལས།། རཀྵ་ཀྲོ་ཏཱི་ཤྭ་རཱི་མ།། དམག་གི་རྒྱལ་མོ་བཞི་ཉིད་དང་།། སྲིད་བཞིའི་གདན་ལ་རྐང་ལག་བཞི།། ས་མ་ཀྲོ་ཏི་ཤྭ་རཱིའོ།། དབང་ཕྱུག་མ་མོ་ཉི་ཤུ་བརྒྱད།། ཉོན་མོངས་ཡིད་ཀྱི
263a4 རྣམ་ཤེས་ལས།། གྷུ་ཧྱ་ཀྲོ་ཏཱི་ཤྭ་རཱི་མའོ།། བསྒོམ་བྱ་མ་མོ་བཅུ་གསུམ་ལ།། ལྷ་ཆེན་དྲུག་ཅུ་རྩ་བརྒྱད་བསྐྱེད།། དྲག་ཤུལ་གདན་གྱི་དཀྱིལ་འཁོར་ལོ།། མངོན་རྫོགས་རྒྱལ་པོའི་དབུ་གཙུག་ལ།། རྟ་མགོ་མགྲིན་སྔོན
263a5 བྱུང་བ་ནི།། ཐམས་ཅད་དབང་དུ་བྱེད་པ་སྟེ།། ཞལ་ནས་ཧྲཱིཿཡི་སྒྲ་བྱུང་བས།། ཐམས་ཅད་ཟིལ་གྱིས་གནོན་པའོ།། ང་རྒྱལ་གྱི་ནི་གདོན་རྣམས་ཀྱི།། སྙིང་ཁྲག་ཞལ་དུ་རྔུབ་པར་བྱེད།། དམ་ཚིག་པ་ལ་བཞག་པ
263a6 ཡིས།། རྒོད་ཅིང་གཏོང་བའི་ཕྲིན་ལས་ཉིད།། སྲིད་གསུམ་མ་མོ་མཁའ་འགྲོ་དག། དབང་གི་མ་དང་ཚེ་ཡི་བདག། ནད་རིམས་མཐུ་དང་རྫུ་འཕྲུལ་གྱིས།། རང་གཞན་དོན་དུ་བསྒྱུར་བ་དང་།། གང་རིགས་པ་ལས
iiif viewer powered by OpenSeadragon
