| e-texts navigator |
| Wylie |
262a1 དང་དོམ།། ཐལ་བ་རཀྟ་ཐོད་ཕྲེང་དང་།། མེ་རི་འབར་བས་བརྒྱན་པའོ།། མུ་ཁ་ལེ་ནི་དབྱིངས་ཀྱི་ཡུམ།། མི་འགྱུར་མཐིང་ནག་ཆོས་ཀྱི་སྐུ།། ཡེ་ཤེས་ལྔ་ཡི་ཞལ་བྱུང་ཞིང་།། འབྱུང་བ་ལྔ་ཡི་མཁའ
262a2 གསང་ཅན།། རྡོ་རྗེ་དྲིལ་ཞགས་བདུད་རྩི་གཡས།། དྲིལ་བུ་བྷནྡ་གཡང་གཞི་གཡོན།། ཉོན་མོངས་འཇོམས་ཤིང་སྙིང་རྗེས་འཛིན།། འཆི་མེད་དངོས་གྲུབ་སྩོལ་བར་མཛད།། བཅུད་འགྱུར་བདེ་བ་སྟོན་པ་དང་།། ཆོས
262a3 ཉིད་མཉམ་པར་ལོངས་སྤྱོད་པའོ།། ཞབས་བརྒྱད་རྣམ་ཐར་བརྒྱད་ཀྱི་ངང་།། འཁོར་བ་དང་ནི་མྱ་ངན་འདས།། དོན་དམ་ཀུན་རྫོབ་བདེན་པའི་དངོས།། དབྱེར་མེད་འདུ་འབྲལ་མེད་པ་དང་།། རྒྱུན་མི་འཆད་པར་སྤྱོད
262a4 པས་ཏེ།། དོན་ཆེན་གབ་ཅིང་སྦས་པའི་གཏེར།། མངོན་རྫོགས་རྒྱལ་པོའི་སྐུ་གསུང་ཐུགས།། དགོངས་པའི་ཁྱད་པར་གང་ཡིན་པའོ།། སྣང་ཞིང་སྲིད་པས་བསྡུས་པ་དང་།། རྣལ་འབྱོར་ལམ་གྱི་ཡེ་ཤེས་ཀྱིས།། གྲོལ
262a5 ཞིང་རྟོག་པ་མ་ལུས་དག། ཤར་ཞིང་སྣང་བར་བརྟགས་པ་དེ།། མི་སྤང་མི་འགེག་ལམ་མཆོག་སྟེ།། དེ་བས་མུ་ཁ་ལེ་ཞེས་བྱ།། ཞེས་བཀའ་སྩལ་ཏོ།། མུ་ཁ་ལེ་གསང་བ་སེམས་ཀྱི་དཀྱིལ་འཁོར་བསྟན་པའི་ལེའུ་སྟེ
262a6 བཞི་པའོ།། །། དེ་ནས་གཞན་ཡང་ཁྱོད་ཉིད་ཀྱིས།། ལུས་ལ་འབྱུང་བའི་དཀྱིལ་འཁོར་གང་།། ཐུན་མོང་ཆོས་སུ་བཤད་པ་ནི།། དྲག་པོ་སྔགས་ཀྱི་ཆ་བྱད་ཅན།། ཕྲིན་ལས་མི་བཟད་ཆེར་སྦྱར་བས།། དུར་ཁྲོད
iiif viewer powered by OpenSeadragon
