| e-texts navigator |
| Wylie |
261a1 བརྟག་པ་དང་།། བཟློག་ཅིང་དགྲོལ་བར་བྱ་བ་སྟེ།། མཉམ་པ་ཉིད་དུ་གང་སྐྱེས་པ།། མཉམ་ཉིད་སྐྱེས་པར་དེ་བརྗོད་དོ།། སྣང་བ་དང་ནི་སེམས་ཉིད་དེ།། རྒྱུ་དང་ཐབས་དང་འབྲས་བུ་དང་།། གཞི་དང
261a2 ལམ་དང་རང་བཞིན་དངོས།། ལུས་དང་ལོངས་སྤྱོད་ཆུད་མི་གསོན།། གཏོང་དང་གཞན་གྱི་དོན་སྤྱོད་པ།། སོ་སོར་འགྲོ་བས་ཐར་པ་དང་།། མ་ལུས་མཉམ་པར་རྫོགས་སྤྱོད་པ།། རིག་པའི་སྙིང་པོ་བྱང་ཆུབ་པ།། བླ་ན
261a3 མེད་པ་ཡོངས་བཟུང་ཞིང་།། རང་བཞིན་མཉམ་ཉིད་འབྱུང་བའི་གཞི།། ཐབས་ཀྱི་གནས་སྐབས་འབྲས་བུ་གསུམ།། སྟོང་དང་མཚན་མ་སྨོན་པ་མེད།། རྟེན་བྱེད་ལུས་ལ་གཡས་གཡོན་དབུས།། འདོད་ཆགས་ཞེ
261a4 སྡང་གཏི་མུག་གིས།། འབྱུང་འཇུག་གནས་དང་འདུ་བ་བཞི།། ཕན་གནོད་བཏང་སྙོམས་སྦྱོར་ལགས་སོ།། ཐོག་མར་མཉམ་པ་ཉིད་དུ་སྐྱེས།། ཐབས་ཀྱི་མཉམ་ཉིད་སྐྱེས་པ་ལ།། ཤེས་རབ་ལྷན་ཅིག་སྐྱེས་པ
261a5 ཡིས།། རབ་འབྲིང་ཐ་ཡི་ཡུལ་རྣམས་ལ།། འདུ་ཤེས་གསུམ་གྱིས་རབ་སྦྱངས་ཏེ།། སྡུག་བསྔལ་བྲལ་ཞིང་བདེ་བ་དང་།། རྣམ་པར་རྟོག་པ་སྤངས་པ་དང་།། དངོས་ཀུན་མ་ལུས་གསལ་བ་ཡིས།། སྟོབས་དང་དྲོད་དང
261a6 འདྲེན་པ་དག། ཡན་ལག་ཉི་ཤུ་རྩ་བཞི་སྟེ།། རིགས་ཀྱི་དོན་དུ་སྣང་བ་ཡིས།། ལུས་དང་སེམས་ཀྱིས་གཞན་དོན་སྤྱོད།། མདངས་ལྡན་ཞེན་པ་ཆེད་འཛིན་བྲལ།། ཟུག་རྔུ་འབད་པ་རྩོལ་བ་མེད།། མཆོག་གི་ཡུམ་དང
iiif viewer powered by OpenSeadragon
