| e-texts navigator |
| Wylie |
260b1 གྱིས་རབ་བསྡུས་པ།། ཐུན་མོང་སེམས་ཀྱི་དཀྱིལ་འཁོར་བསྟན།། དེ་ལས་ཁྱད་པར་གྱུར་པ་ནི།། དོན་དམ་ཤེས་པ་ཟླ་བའི་གནས།། བྱང་ཆུབ་སེམས་ཀྱི་རྒྱལ་པོ་སྟེ།། འདོད་ཆགས་གཙོ་མོ་ཡུམ་དང་བཅས།། མཁའ
260b2 བཞི་ལས་ནི་དགའ་བ་དང་།། སྐད་ཅིག་གནས་པ་དབྱིངས་མ་ལྔ།། གནས་སྐབས་དང་ནི་ནུས་པ་དྲུག། ཚུལ་གཉིས་ཀྱིས་ནི་བཅུ་བཞི་སྟེ།། དེ་དག་འཁོར་དུ་སྐྱེ་བའོ།། དེ་དང་དེ་ལས་སྲིད་པ་ཡིས།། བརྡའ་དང་གནས
260b3 དང་ཤེས་པ་དང་།། ཕྲིན་ལས་བྱེད་པ་ལ་སོགས་ཀྱི།། རང་གི་ཆོས་དང་ལོངས་སྤྱོད་དང་།། བདེ་ཆེན་སྤྲུལ་པའི་གནས་དག་ཏུ།། སྒྲོ་དང་བསྡུ་དང་བརྟན་པ་ལས།། བྱ་བ་སྣ་ཚོགས་སྤྱོད་པ་དག། ཆོས་ཀྱི་བདག་ཏུ
260b4 འཛིན་པ་གྲོལ།། དེར་སྣང་ཆོས་ཀྱི་དབྱིངས་དཀྱིལ་ལ།། རིག་པའི་ཡེ་ཤེས་སྣ་ཚོགས་པ།། གཙོ་དང་འཁོར་དུ་བཅས་པ་གྲུབ།། དེ་ཡི་འབྲས་བུ་ཚུལ་ཆེན་ཡང་།། སྐུ་དྲུག་ལས་ནི་མ་ནོར་དང་།། མ་ལུས་མཁྱེན་པ་བཅུ།
260b5 གཉིས་ཏེ།། དོན་གཉིས་མཛད་པ་དེ་དག་དང་།། གཞན་གྱིས་རིག་པར་བྱ་བ་ལས།། འདས་བྱེད་བསམ་གྱིས་མི་ཁྱབ་པ།། གདུལ་བར་བྱ་བ་རྣམས་ལ་སྣང་།། དུས་གསུམ་དུས་མེད་རྟོགས་པ་དང་།། འབད་རྩོལ
260b6 བསམ་ཤེས་ཡོད་མིན་ཞིང་།། གང་ལ་འདོད་པ་དེ་བདག་ཉིད།། མུ་ཁ་ལེ་ཡི་ཆོས་ཉིད་དེ།། གསང་ཆེན་སེམས་ཀྱི་ཕོ་བྲང་ལ།། གབ་པའི་གཏེར་དུ་སྣང་བ་སྟེ།། འཇིག་རྟེན་པ་རུ་གྲགས་པ་མིན།། དེ་བས་ངེས་བཟུང
iiif viewer powered by OpenSeadragon
