| e-texts navigator |
| Wylie |
260a1 རྫོགས་པའི།། རྒྱལ་པོ་བླ་ན་མེད་པའོ།། མུ་ཁ་ལེ་ཞེས་བྱ་བ་ཡང་།། མཐར་ཐུག་དོན་གྱི་གཞི་ཡིན་ཏེ།། དེ་ཉིད་ཁོ་ནའི་བདག་ཉིད་དོ།། ཞེས་བཀའ་སྩལ་ཏོ།། མུ་ཁ་ལེ་ཕུང་པོ་ལུས་ཀྱི་དཀྱིལ་འཁོར
260a2 བསྟན་པའི་ལེའུ་སྟེ་གསུམ་པའོ།། །། དེ་ནས་གཞན་ཡང་ཁྱོད་ཉིད་ཀྱི།། བྱང་ཆུབ་སེམས་ལ་གནས་པ་ནི།། ཐུན་མོང་དང་ནི་ཁྱད་པར་ཏེ།། དོན་དམ་ཀུན་རྫོབ་རང་བཞིན་གྱིས།། ཐབས་དང་ཤེས་རབ
260a3 བདག་ཉིད་བརྒྱུད།། སྡོམ་དང་བསྡམ་པར་བྱ་བ་དང་།། བསླབ་དང་ཤེས་པར་བྱ་བ་དག། སྣང་དང་རྟོགས་པ་རིག་པའི་ཚོགས།། སྒྱུ་མ་རྨི་ལམ་སྨིག་རྒྱུ་དང་།། མིག་ཡོར་སྤྲུལ་པ་དྲི་ཟའི་གྲོང་།། གཟུགས་བརྙན་བྲག
260a4 ཆ་སྒྲ་བརྙན་ཚོགས།། ཇི་སྲིད་ཙམ་དུ་མཚོན་པ་ལས།། སྐྱེ་མཐའི་སྲིད་པ་མན་ཆད་དུ།། སྨོན་ལམ་ཙམ་དུ་དམ་བཅའ་ཞིང་།། ལུས་ངག་ཡིད་ཀྱིས་རབ་འཇུག་པའི།། རྩོལ་དང་བསྒྲུབ་པ་གང་ཡིན་པ།། ཕུང་པོས་བསྡུས
260a5 པའི་ཤེས་པ་ལྔ།། ཀུན་གཞི་ཁྱོད་ཀྱི་བདག་ཉིད་ལ།། མཁའ་བཞི་དབྱིངས་ལྔ་ཉིད་དང་བཅས།། མིག་དང་རྣ་བ་སྣ་དང་ལྕེ།། ལུས་དང་ཡིད་རྣམས་དེ་ཡི་ཡུལ།། བསྐྱེད་ཅིང་མཆེད་པ་བཅུ་གཉིས་ཀྱི།། རང་བཞིན་བྱ་བ
260a6 ཡིད་ཀྱི་དངོས།། བཅུ་བཞི་འཁོར་གྱི་རྩ་བ་སྟེ།། གཞན་ཡང་ཁམས་དང་ཉོན་མོངས་པའི།། ཉེ་བ་ལས་ནི་མངོན་གྱུར་དང་།། ཀུན་འགྲོ་ལྔ་དང་འགྱུར་བ་བཞི།། ཁྱབ་པ་གཅིག་གིས་ལྔ་བཅུ་བརྒྱད།། གཙོ་དང་འཁོར
iiif viewer powered by OpenSeadragon
