| e-texts navigator |
| Wylie |
258a1 གིས་ནི་སུམ་ཅུ་བཞི།། གཟུགས་ཁམས་པ་ཡི་འཁོར་ལོའོ།། ལས་ཀྱི་སྲིན་མོ་བརྒྱད་དང་བཞི།། དབང་ཆེན་བཞི་དང་གདོང་མོ་བཞི།། ས་བདག་མོ་དང་མ་མོ་བརྒྱད།། གསང་བ་གསུམ་དང་པོཿ
258a2 གསུམ།། ནག་པོའི་ཆུང་མར་གྲགས་པ་གསུམ།། འཇིགས་བྱེད་མ་མོ་ཆེན་མོ་གསུམ།། སུམ་བཅུ་གཉིས་ཀྱི་རང་བཞིན་གྱིས།། ངན་འགྲོའི་སྲིད་པ་དགག་པའོ།། དྲུག་བཅུ་རྩ་བཞིའི་འཁོར་ལོ་རྫོགས།། བྱ་དང་བྱེད་པ
258a3 བདག་པོ་གསུམ།། ཀུན་གྱི་བཞོན་པར་བཅས་པ་ནི།། རི་རབ་དང་ནི་ཡོངས་འདུའི་ཤིང་།། སྲོག་ཤིང་ཚུལ་དུ་གནས་པ་ཡིན།། འདི་དག་མ་ལུས་ཁྱོད་ཀྱི་ལུས།། དཀྱིལ་འཁོར་བཞི་ཡི་བདག་ཉིད་ཀྱིས།། ཕྱི་ཡི་དོན་དུ
258a4 སྣང་བ་ཡིན།། ལོངས་སྤྱོད་འདོད་སྤྱོད་དཀྱིལ་འཁོར་ལ།། དབྱིངས་དྲུག་ལྷ་དྲུག་རྩ་བ་སྟེ།། ཉེ་དབང་སུམ་ཅུ་རྩ་གཉིས་ནི།། དེ་ཡི་འཁོར་དུ་གཏོགས་པ་སྟེ།། རི་རབ་སྟེང་གི་འཁོར་ལོ་ཡི།། གནས་ཆེན་བསམ་གཏན
258a5 བཞི་ལ་ནི།། བཅུ་དྲུག་རང་གི་བདག་པོ་སྟེ།། བྱ་དང་བྱེད་པའི་ཚུལ་གཉིས་ཀྱིས།། སུམ་ཅུ་རྩ་གཉིས་འདོད་པ་བསྡུས།། དྲུག་ཅུ་བཞི་ལ་ཟུག་རྔུ་མེད།། བདེ་ཆེན་འབྲས་བུའི་འཁོར་ལོ་རྫོགས།། གླིང་བཞི་དང་ནི་གླིང
258a6 ཕྲན་བརྒྱད།། ལམ་རྟེན་ཆེན་པོ་འཛིན་པས་ནི།། འཛམ་བུ་གླིང་དུ་གྲགས་པ་ལ།། ཆོས་ཀྱི་འཁོར་ལོ་ཞེས་བྱ་རྫོགས།། དམྱལ་བའི་སྲིད་པ་ཉི་ཤུ་དང་།། དེ་ཡི་ཉོན་མོངས་ཉི་ཤུར་བཅས།། དབྱིངས་གནས་པ་དང་འཐོར
iiif viewer powered by OpenSeadragon
