| e-texts navigator |
| Wylie |
256a1 དཀར་མོ་ཤེལ་གྱི་ན་བཟའ་ཅན།། ལྕགས་ཀྱུ་འོད་འཕྲོ་འཛིན་ཅིང་དགུག། རིན་ཆེན་རི་རབ་སྲིད་འདེབས་མ།། སྔོན་མོ་མུ་ཏིག་གོ་ཟུ་ཅན།། རིན་ཆེན་གཡུ་ཡི་གའུ་འཛིན།། རྡོ་རྗེ་པདྨ་གར་དབང
256a2 མ།། དམར་སེར་མདོག་ལ་གོ་ཟུ་ཅན།། ཐོད་པ་ཁྲག་བཀང་ལྕང་ལོ་འཛིན།། ཧར་ཏིང་དཀར་མོ་དུན་ཏིང་ནག། ཤན་ཏིང་དམར་མོ་གྲུབ་ཏིང་སེར།། དཀར་ནག་དམར་སེར་གོ་ཟུ་ཅན།། འབྱུང་བ་བཞི་ཡི་དཀྱིལ
256a3 འཁོར་འཛིན།། སྐམ་པ་མོ་དང་ཕོར་ཐོགས་མ། གཡང་གཞི་མ་དང་ཟ་བ་མ། གསོད་བྱེད་མ་དང་ཟ་བྱེད་མ། སྣོམ་བྱེད་མ་ཞེས་བྱ་བ་རྣམས།། དཀར་དང་སྔོ་དང་དམར་དང་སེར། རང་གི་མདོག་ལྡན་གོ་ཟུ
256a4 གོན།། ཐོད་ཁྲག་དང་ནི་མཚོན་ཆ་ཐོགས།། མཆེ་གཙིགས་མ་དང་ཁ་འབྱམས་མ།། མཆུ་འཇིབ་མ་དང་རྐང་ལྡག་མ།། དཀར་ནག་དམར་སེར་ཐོད་ཁྲག་འཛིན།། ལྷ་དང་གཤིན་རྗེ་ཀླུ་གནོད་ནི།། དཀར་སྔོ་དམར
256a5 སེར་སྲིན་མོ་བཞི།། རྡོ་རྗེ་ཐོད་ཁྲག་སྦྲུལ་ཞགས་དང་། ནེའུ་ལེའི་རྐྱལ་པ་རིན་ཆེན་འཛིན།། འདི་དག་ཀྱང་ནི་མ་ལུས་ཀུན།། ང་ལས་བྱུང་ཞིང་ཁྱོད་ལ་སྣང་། དེ་ལུས་རྫོགས་པའི་དཀྱིལ་འཁོར་སྟེ།། རབ་ཏུ་གྲུབ་པར
256a6 བྱ་བ་ཡང་།། ཕུང་པོ་ཁམས་དང་སྐྱེ་མཆེད་དག། མ་ལུས་འདིར་ནི་ཤེས་པ་དང་། རང་བཞིན་སྲིད་པའི་དཀྱིལ་འཁོར་དེ།། གཉིས་མེད་ཡེ་ཤེས་དབབ་པར་བྱ།། གསང་ཆེན་སེམས་ཀྱི་དཀྱིལ་འཁོར་དེ།། རྩ་བར
iiif viewer powered by OpenSeadragon
