| e-texts navigator |
| Wylie |
255b1 ཞགས་འཕེན།། ཉི་མ་ཁྲོས་པའི་དབང་མོ་ཆེ།། དཀར་མོ་ཤེལ་གྱི་གོ་ཟུ་ཅན།། ལག་ན་ཤེལ་གྱི་སྤུ་གྲི་འཛིན།། ཁྲག་འཐུང་ཁྲོས་པའི་དབང་མོ་ཆེ།། སྐུ་མདོག་ནག་མོ་ཐོད་ཁྲག་འཛིན།། བདུད་རྩི་བདེ་སྦྱོར་ཁྲོས་མ
255b2 ནི།། དམར་ནག་བདུད་རྩིའི་བུམ་པ་འཛིན།། སྲིད་གསུམ་འཚོ་བྱེད་ཁྲོས་མ་ནི།། སེར་མོ་ཞིང་ལྤགས་གཡང་གཞི་གསོལ།། སྲིད་པ་ཀུན་གྱི་རྒྱས་བྱེད་མ།། དཀར་མོ་སྐྲ་ཡི་ཞགས་པ་ཐོགས། དབྱིངས་ཕྱུག་རྒྱལ་མོ་ཞེས
255b3 བྱ་བ། སྔོན་མོ་ཞིང་གི་དབྱུག་པ་ཐོགས།། སྲིད་པའི་བདག་ཉིད་ཆེན་མོ་ནི།། དམར་མོ་རྒྱུ་མའི་ཞགས་པ་འཛིན།། ནམ་མཁར་གཅིག་པུར་སྤྱོད་པ་ནི།། སེར་མོ་གཡང་གཞི་ཆེན་པོ་བརྡེབ།། དཀར་མོ་མིག་གཅིག་ཅེས
255b4 བྱ་དང་།། མཐིང་ནག་མཆེ་བ་ཅན་གྱི་བདག། དམར་མོ་ཆེན་མོ་དབང་གི་རྒྱལ།། སེར་མོ་ལས་ཀྱི་བདག་མོ་ཆེ།། བྷནྡ་ཟླུམ་པོ་སུལ་མང་དང་།། ལྕང་ལོ་ཅན་དང་རྒྱ་གྲམ་ཐོགས།། སྲིད་པ་ཐམས་ཅད་ཆགས་བྱེད
255b5 མ།། མཐིང་ནག་གཡང་གཞི་རློན་པ་གྱོན།། མཆོག་ཆེན་སྙིང་རློན་འཛིན་ཅིང་ཟ།། སྲིད་པ་ཀུན་གྱི་ཆ་སྙོམས་མ།། དམར་མོ་སྟག་ལྤགས་རློན་པ་བགོས།། ཐོད་པ་ཁྲག་བཀང་འཛིན་པར་བྱེད།། འདོད་ཁམས་གཙོ་མོ
255b6 ཆེན་མོ་ནི།། སྔོན་མོ་སྟག་གི་གཡང་གཞི་གསོལ།། ལག་ན་ཁྲམ་ཤིང་ནག་པོ་འཛིན།། མ་མོ་ཨེ་ཀ་ཛ་ཏི་མ། དཀར་མོ་སྤྲིན་དཀར་འཇའ་ཚོན་བགོས།། ཁ་ཊྭཱཾ་ག་དང་ཏི་ར་འཛིན།། གླིང་བཞི་སྟོང་གི་སྤྱི་ཕུད་མ།།
iiif viewer powered by OpenSeadragon
