| e-texts navigator |
| Wylie |
251b1 མངོན་པར་སྤྱོད་པའི་དོན་དུ་ཐུགས་རྡོ་རྗེ་མཉམ་པ་ཉིད་ཀྱི་ཏིང་ངེ་འཛིན་ལ་སྙོམས་པར་ཞུགས་ཏེ། སྐུ་དྲག་ཤུལ་སྤྱོད་པའི་ཆ་ལུགས་འཇིགས་བྱེད་ཆེན་པོ་རབ་ཏུ་འབར་བར་བསྟན་ནས་གསུང་གི་ང་རོ་དྲག་པོའི
251b2 ཤུགས་ཕྱུང་བའི་སྒྲ་ཆེན་པོས་གང་བར་མཛད་དོ།། དེ་ནས་དེའི་ཚེ་ནམ་མཁའི་ཁམས་ཀྱི་གཏོས་ཐམས་ཅད་སྐུའི་རང་བཞིན་གྱིས་ཁྱབ་ཅིང་། གསུང་གི་བརྡའི་སྒྲ་ཆེན་པོར་གྲགས་ལ། ཐུགས་ཞི་བ་བྱང་ཆུབ་ཀྱི་སེམས
251b3 ཀྱིས་དགོངས་ནས་བཀའ་སྩལ་པ།། ཉོན་ཅིག་སྲིད་པའི་རྒྱལ་མོ་ཆེ།། ཁྱོད་ནི་མུ་ཁ་ལེ་ཞེས་བྱ།། སྐུ་ཡི་དབུ་དང་ཙིཏྟ་ལ།། ཞལ་ལྔ་རྩེ་མོ་ལྔར་སྣང་ཞིང་།། ཕྱག་བཞི་ཞབས་བརྒྱད་མཁའ་བཞི་དབྱིངས།། ཕྱོགས་བཞི
251b4 དབུས་དང་ལྔ་རུ་གྲགས། ཤར་ལྷོ་ནུབ་བྱང་དབུས་དག་གི། མཆེ་བ་གཙིགས་པའི་ཞལ་ལྔ་ལས།། དཀར་ཞིང་འཚེར་དང་སྔོ་ལ་གདངས།། དམར་བཞད་ལྡང་གཙིགས་མཐིང་ནག་ཁྲོ།། ལྗགས་ཀུན་རྡོ་རྗེ་རྩེ་དགུ
251b5 དང་།། རིན་ཆེན་ཀེ་ཀེ་རུ་འབར་ཞིང་།། པདྨ་དགུ་བརྩེགས་རྒྱ་གྲམ་ཅན།། འཁོར་ལོ་རྩིབས་སྟོང་ལྡན་པར་སྣང་།། བསྐྱེད་དང་བསྲེག་དང་བཟླུམ་པ་དང་།། གཡོ་ཞིང་ཁྱབ་པར་བྱིན་གྱིས་བརླབས།། ཤེལ་གསེར་ཀེ
251b6 ཀེ་རུ་དག་དང་།། ཨིནྡྲ་ནཱི་ལ་བཻ་ཌཱུརྱ།། འོད་འཕྲོས་ཁྱོད་ཀྱི་རལ་པའི་ཚོགས།། བདེ་གཤེགས་རྡོ་རྗེ་རིན་པོ་ཆེ།། ཆགས་པ་དང་ནི་ཕྲིན་ལས་ཀྱི། སོ་སོའི་རིགས་ཀྱི་དམ་པའོ།། ཐུགས་མཆོག་རིགས་པ་སྐྱེ་མེད
iiif viewer powered by OpenSeadragon
