| e-texts navigator |
| Wylie |
250b1 རིགས་དང་། ཡོན་ཏན་གྱི་རིགས་དང་། ལས་ཀྱི་རིགས་དང་། དྲེགས་པའི་རིགས་དང་། བསྒྲུབ་པའི་རིགས་དང་། སྦས་པའི་རིགས་ལ་སོགས་པ་བསམ་གྱིས་མི་ཁྱབ་པ་རྣམ་པ་སྣ་ཚོགས་པ་སྣང་ཞིང་གསལ་བར་གྱུར
250b2 ཏོ།། དེ་ནས་བཅོམ་ལྡན་འདས་བླ་མེད་རྒྱལ་པོ་ཧེ་རུ་ཀ་ཆེན་པོ་དེས་མཉམ་པ་ཉིད་ལས་བཞེངས་ཏེ། ཆོ་འཕྲུལ་ཆེན་པོ་རྣམ་པར་སྤྲུལ་པའི་འཁོར་གྱི་དཀྱིལ་འཁོར་དེ་དག་ལ་འདི་སྐད་ཅེས་བཀའ་སྩལ་ཏོ།། ཀྱེ་མ
250b3 འདུས་པའི་དཀྱིལ་འཁོར་གྱི།། ཚོགས་ཆེན་མ་ལུས་པ་ལ་ཉོན།། ཁྱེད་ཀྱི་ཁམས་དང་བྱེད་པ་དང་། ལུས་དང་རིགས་ཀྱི་ཁྱད་པར་དང་། ཕྲིན་ལས་གྲུབ་པའི་མཐའ་ལ་སོགས།། ཐམས་ཅད་པ་ལས་འབྱུང་ཞིང
250b4 སྣང་།། ལུས་དང་ངག་དང་རྣམ་པར་ཤེས།། ང་ཡི་སྐུ་གསུང་ཐུགས་ཀྱི་ངང་།། གཟུགས་དང་འདུ་ཤེས་ཚོར་བ་བྱེད།། སྐུ་དང་ཡེ་ཤེས་རིག་པའི་ངང་།། བསམ་པ་ལོངས་སྤྱོད་ལ་སོགས་པ།། དགོངས་པའི་ཆོ་འཕྲུལ
250b5 ཉིད་ལས་བྱུང་།། གང་ཞིག་ཇི་ལྟར་འདོད་པ་དག། ང་ཡི་རང་བཞིན་ཤེས་པར་གྱིས།། ང་ལས་མ་གཏོགས་ཆོས་གཞན་མིན།། བཏགས་པ་ཙམ་ཡང་ཡོད་མ་ཡིན།། དེ་བས་ང་ཡི་དོན་རྟོགས་ཕྱིར།། གུས་པའི་ཡིད་ཀྱིས
250b6 མཉན་པར་གྱིས།། ཞེས་བཀའ་སྩལ་ཏོ།། དེ་ནས་ཡུམ་ཆེན་མོ་ཀུན་ཏུ་བཟང་མོས་བཅོམ་ལྡན་འདས་དཔལ་ཧེ་རུ་ཀ་ལ་འདི་སྐད་ཅེས་གསོལ་ཏོ།། ཀྱེ་མ་བཅོམ་ལྡན་ཧེ་རུ།། འདི་ལྟར་བདག་དང་གཞན་གྱི་ཆོས།། ཕྱི
iiif viewer powered by OpenSeadragon
