| e-texts navigator |
| Wylie |
249a1 གི་གནས་པ་དང་།། བསྲེག་པ་དང་། གཤེར་བ་དང་། བསྐྱོད་ཅིང་གཡོ་བར་བྱེད་པའི་མཐུ་ཆེན་པོ་བསམ་གྱིས་མི་ཁྱབ་པ་སྣང་བ་ལས་སྲིད་པའི་འཇིག་རྟེན་བསྐྱེད་པའི་ས་བོན་དང་རྩ་བ་དང་། བཅུད
249a2 དང་བཅས་པ། དངས་མ་དང་འབྲས་བུར་བཅས་པ། ཡོན་ཏན་དང་ནུས་པ་རྫོགས་པ། ཕྱོགས་དུས་རབ་ཏུ་ཕྱེ་བ་མེད་པར་བཞུགས་པ་ལས། དབྱིངས་ཀྱི་ཡུམ་ཀུན་ཏུ་བཟང་མོ་སྲིད་པ་ཐམས་ཅད་ཀྱི་བདག་མོ། ཧེ
249a3 རུ་ཀ་ཐམས་ཅད་ཀྱི་ཡུམ་ཆེན་མོ། སངས་རྒྱས་ཐམས་ཅད་ཀྱི་རིག་པའི་དབང་ཕྱུག་མ། འཇིག་རྟེན་གྱི་ཁམས་ལས་འདས་པ་ཐམས་ཅད་ཀྱི་གཙོ་མོ། དེ་ཁོ་ན་ཉིད་ཀྱི་གཞི་མུ་ཁ་ལེ་ཞེས་བྱ་བ་དེ་ཉིད་རོལ་པ་ཆེན་པོ
249a4 གཉིས་སུ་མེད་པའི་ཏིང་ངེ་འཛིན་ལས་བཞེངས་ནས།། བཅོམ་ལྡན་འདས་ལ་སྐུལ་བའི་དབྱིངས་ཀྱི་སྒྲ་ཆེན་པོས་གསོལ་བ་བཏབ་པ། ཨེ་མ་ཧོ།། བླ་མེད་མངོན་རྫོགས་རྒྱལ་པོ་ཧེ་རུ་ཀ། སྣང་སྟོང་གཉིས་མེད་ཀུན་ལ
249a5 ང་བའི་སྐུ།། མཚན་མེད་སྤྲོས་བྲལ་མི་རྟོག་གྲགས་པའི་གསུངས།། བདེ་ཆེན་ཟག་མེད་ཟུང་འཇུག་ཁྱབ་པའི་ཐུགས།། མ་ལུས་རང་ལ་རྫོགས་པའི་ཡོན་ཏན་མངའ།། ཕྲིན་ལས་མཛད་ཕྱིར་རོལ་པའི་སྐུ་བཞེངས
249a6 ཤིག། ཨ་ལ་ལ་ཧོ།། ཞེས་བསྐུལ་བ་མཛད་ནས། བཅོམ་ལྡན་འདས་དེས་འདི་སྐད་ཅེས་བཀའ་སྩལ་ཏོ།། ཨེ་མ་ཧོ།། སངས་རྒྱས་རྣམས་ཀྱི་སྐུ་གསུང་ཐུགས་ཀྱི་ངང་།། མཉམ་ཉིད་དབྱིངས་ཀྱི་ངང་ལས་མི་གཡོ
iiif viewer powered by OpenSeadragon
