| e-texts navigator |
| Wylie |
248b1 །། ། རྒྱུག་གདས་པས་རྦཱ། བང་མས་ན་པ་རྣ་ས་ཇུ
248b2 ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བླ་ན་མེད་པ་མངོན་པར་རབ་ཏུ་རྫོགས་པའི་རྡོ་རྗེ
248b3 ཧེ་རུ་ཀ་ཞེས་བྱ་བ་དེ། ཐིག་ལེ་ཆེན་པོ་མཉམ་པ་ཉིད་ཀྱི་ངང་དུ་སྲིད་པའི་ཆོས་ཀྱི་བསྡུས་པའི་འཇིག་རྟེན་གྱི་ཁམས་ཐམས་ཅད་རྡོ་རྗེའི་རང་བཞིན་དུ་གནས་རིན་པོ་ཆེ་ལས་གྲུབ་པའི་རི་རབ་ཆེན་པོའི་རྩེ་མོ་ལྷའི་རྒྱལ
248b4 པོའི་གནས།། བདེ་བ་ཆེན་པོའི་ཀློང་། ཡུམ་ཆེན་མོ་དེ་ཁོ་ན་ཉིད་ཀྱི་གཞིར་གྱུར་པ་མུ་ཁ་ལེ་དགོངས་པ་མ་ལུས་པར་ཤར་བའི་ཀློང་།། བྷ་ག་ཡངས་པའི་དབྱིངས་རྣམ་པར་དག་པའི་རང་བཞིན་ཕྱོགས་བཅུའི་ནམ
248b5 མཁའི་ཁམས་ཡོངས་སུ་ཁྱབ་པའི་གནས་ན་སྙོམས་པར་ཞུགས་ཏེ་བཞུགས་ནས། རབ་ཏུ་གསང་བའི་དབང་ཕྱུག་ཡེ་ཤེས་ཀྱི་རྡོ་རྗེ་ཤུགས་ཆེན་པོ་འཆང་བ། པདྨའི་དབྱིངས་རྣམ་པར་དག་པའི་ཀློང་ཆེན་པོ་དང་གཉིས
248b6 སུ་མེད་པའི་འཕྲོ་འདུ་དུས་གསུམ་དུ་རྒྱུན་མི་ཆད་པར་བཀྱེ་བ་ལས། བྱིན་གྱིས་རླབས་ཀྱི་ཆོ་འཕྲུལ་ཆེན་པོ་དཔག་ཏུ་མེད་པར་སྣང་བར་འདི་ལྟ་སྟེ། ས་ཆེན་པོ་དང་། མེ་ཆེན་པོ་དང་། ཆུ་ཆེན་པོ་དང་། རླུང་ཆེན་པོ་དག
iiif viewer powered by OpenSeadragon
