| e-texts navigator |
| Wylie |
247b1 བཅུ།། ཀུན་རྫོབ་དོན་དམ་རང་བཞིན་གྱིས།། སེམས་དབང་བསྒྱུར་ཏེ་བདག་མེད་པའི།། རྟོགས་པ་རབ་རྫོགས་དབུ་མ་སྟོན།། དེ་ནས་ལུས་ངག་བྱ་བ་དང་།། སྤྱོད་པ་རབ་སྒྲུབ་རྣལ་འབྱོར་སྟོན།། བསྐྱེད་པའི་རིམ་པ
247b2 ལ་འབྱོར་ཆེ།། དེ་ཡི་རྗེས་སུ་རྣལ་འབྱོར་དང་།། རབ་ཏུ་རྫོགས་པའི་རྣལ་འབྱོར་དག། ཐབས་དང་ཤེས་རབ་འཇུག་པས་དོན།། སྐུ་ལྔ་ཆོས་ལྔ་ཡེ་ཤེས་ལྔ།། ལམ་ལྔ་རིགས་ལྔ་དག་པ་ལྔ།། ས་བཅུ་སྟོབས་བཅུ་མ
247b3 འདྲེས་པ།། བཅོ་བརྒྱད་ངེས་པར་འབྱུང་བ་དང་།། བསྐལ་པ་ཆེན་པོ་གྲངས་མེད་གསུམ།། སྐད་ཅིག་ཙམ་ལ་རྫོགས་པར་བྱེད།། བློ་དང་དབང་པོ་བསམ་པ་དང་།། ཐ་མ་འབྲིང་དང་མཆོག་གྱུར་ལ།། ཚད་མེད་རྣམས
247b4 ཀྱི་ཁྱད་པར་གྱིས།། བརྟན་དང་ཐོབ་པ་དུས་གཅིག་དང་།། ཚེ་གཅིག་སྲིད་པ་བར་མ་དང་།། གསུམ་མམ་ལྔའམ་བདུན་དག་གིས།། རང་གི་ས་ལ་གནས་པར་སྟོན།། འབྱུང་བ་ཆེན་པོ་རྣམས་ཀྱིས་མཐུ།། ཕན་ཚུན་ལོག
247b5 པར་ཕྱིན་སྲིད་དེ།། གདུལ་བར་བྱ་བའི་སྲས་རྣམས་ལ།། དུས་ལ་བབ་པ་གང་ཞིག་ན།། སངས་རྒྱས་རྣམས་ནི་ཅུང་མི་འདའ།། ང་ཡི་ཡེ་ཤེས་ཚུལ་འདི་ལ།། ཁྱེད་རྣམས་འཇིགས་པར་མ་བྱེད་ཅིག། ཅེས་བཀའ་སྩལ་པ
247b6 དང་།། འཁོར་འདུས་པ་ཆེན་པོ་རྣམས་ཀྱིས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་སྐུ་གསུང་ཐུགས་ཀྱི་བདག་པོ་ཁྲོ་བོ་ཆེན་པོའི་རྒྱལ་པོ་ཆེན་པོ་དེ་ཉིད་ཕྲིན་ལས་ཀྱི་རྣམ་པར་རོལ་པ་ཆེན་པོའི་སྒོ
iiif viewer powered by OpenSeadragon
