| e-texts navigator |
| Wylie |
246b1 དང་།། ཕུར་བུ་དགོད་ཅིང་དངོས་གྲུབ་བླང་།། ཐུགས་ཀྱི་དཀྱིལ་འཁོར་རྩ་བ་ལྔ།། བྲིས་ཏེ་ཕྱག་མཚན་སོ་སོར་དགོད།། མཆོད་ཅིང་ལས་བཅོལ་དངོས་གྲུབ་བླང་།། གཙོ་མོ་ཡུམ་གྱི་སྤོགས་པ་ཡིས།། དཀྱིལ་འཁོར
246b2 གནས་སུ་བྲི་བྱ་ཞིང་།། ལྷ་དགོད་རྫས་སྤྱད་བསྐུལ་བས་རྫོགས།། བསྒོམས་ཤིང་དགོད་པའི་ཏིང་ངེ་འཛིན།། བསྐུལ་ཞིང་ཡོན་ཏན་ལྡན་པ་ཡིས།། རྫས་ཀྱི་དཀྱིལ་འཁོར་ཚུལ་བཞིན་དབྱུང་།། ཉི་ཤུ་རྩ་གཅིག་ཨེ་ཡི
246b3 དབྱིབས།། ཚད་དང་ལྡན་པ་རྫས་དགོད་ཅིང་།། དངོས་གྲུབ་བླང་བར་ཐ་དད་དོ།། རྫས་བསག་བསྐྱེད་ཅིང་ཚད་ལྡན་བྲི།། རྒྱན་རྟགས་དགོད་པས་འཆོལ་བ་རྫོགས།། སྟོང་དང་རྩ་བརྒྱད་བསྒྲུབ་པའོ།། དཀྱིལ་འཁོར
246b4 བྱང་ཆུབ་སེམས་ལས་བྱང་།། ལས་ཀྱི་དཀྱིལ་འཁོར་བརྩིག་པ་དང་།། བསག་མཆོད་གསད་པའི་རྒྱུ་དང་ནི།། ཆོས་ལྡན་ཕ་རོལ་བསྐུལ་བ་ཡིས།། གཟུགས་བསྲེག་གནས་སྤར་ལས་རྣམས་ཀྱིས།། མ་ལུས་འདུས་པར
246b5 བརྒྱད་དུ་བསྟན།། རིགས་ཅན་ལྔ་ལ་ཀུན་སྦྱངས་པས། བསྙེན་བསྒྲུབ་སྐུ་གསུང་ཐུགས་ཀྱི་ངང་།། ཐིག་ལེ་གཅིག་ལ་རབ་ཏུ་འདུས།། ཞེས་བཀའ་སྩལ་ཏོ།། ཕྲིན་ལས་འདུས་པ་རྩ་བའི་རྒྱུད་ལས། ཁྱད་པར་གྱི་རིགས
246b6 ཀྱི་དཀྱིལ་འཁོར་སྤྲོ་བའི་ཕྲིན་ལས་ཀྱི་ལེའུ་སྟེ་བཅུ་གཉིས་པའོ།། །། དེ་ནས་ཁྲོ་བོའི་རྒྱལ་པོ་ཡིས།། རང་གི་འདུས་པའི་འཁོར་ཚོགས་ལ།། ཤིན་ཏུ་གདམས་པ་འདི་སྐད་གསུངས།། ཀྱེ་མ་སྲས་མཆོག་འཁོར
iiif viewer powered by OpenSeadragon
