| e-texts navigator |
| Wylie |
246a1 གཞལ་མེད་ཁང་།། འཁོར་ལོ་རྩིབས་བརྒྱད་ལྡན་པ་ལ།། ལྟེ་བར་གཙོ་བོ་ཡབ་ཡུམ་བསྒོམ།། རྩིབས་ལ་ཕྱོགས་མཚམས་ཁྲོ་བོ་བརྒྱད།། ཡབ་ཡུམ་སྟེང་འོག་གནས་སུ་ནི།། ཧཱུཾ་མཛད་དང་ནི་སྟོབས་པོ
246a2 ཆེ།། ཡབ་ཡུམ་སྲས་དང་བཅས་པའོ།། སྐྱེད་པ་ཟླ་ཁམ་གནས་སུ་ནི།། ཁྲོ་བརྒྱད་ཀྱིས་ནི་སྲས་ཀུན་གནས།། འོག་མིན་གནས་སོགས་བཞི་ལ་ནི།། ཕྲ་མེན་སྒོ་མ་དབྱུང་ཞིང་བསམ།། རྩ་བ་ལ་སོགས་གནས་དེ
246a3 ལ།། འཇིག་རྟེན་གནས་པ་བཅུ་གཉིས་སོ།། ལྕམ་དྲལ་ཉི་ཤུ་རྩ་བཞི་སྟེ།། དབྱིབས་དང་སྦྱར་བའི་གནས་སུ་བསམ།། གོང་མའི་གནས་ཀྱི་ལོགས་བཞི་རུ།། རིགས་དང་ཕྲིན་ལས་རབ་ཕྱེ་བའི།། ལྷག་མའི་སྲས་མཆོག
246a4 བསྒོམ་པ་སྟེ།། བདུན་ཅུ་རྩ་བརྒྱད་ཕྱུང་བ་ཡིས།། རྫས་ལ་དམིགས་པའི་དཀྱིལ་འཁོར་རྫོགས།། འདི་དག་མེ་ལོང་གཟུགས་བརྙན་བཞིན།། རང་བཞིན་མ་གྲུབ་སྣང་བ་ནི།། ཆོས་སྐུ་སྐྱེ་མེད་ཕུར་པའོ།། མ་ལུས་སྐུ་ལ
246a5 རབ་རྫོགས་པ།། ལོངས་སྤྱོད་རྫོགས་སྐུའི་ཕུར་པ་གྲུབ།། བ་སྤུའི་བུ་གའི་ཚུལ་ཐམས་ཅད།། འབར་བའི་ཁྲོ་ཆུང་གཏམས་པ་ནི།། བདག་གཞན་མ་ལུས་དོན་བྱེད་པས།། ཕུར་པ་སྤྲུལ་པའི་སྐུ་ཡི་མཆོག། སྐུ་གསུམ
246a6 ཡོངས་རྫོགས་དཀྱིལ་འཁོར་ཆེ།། རང་བྱུང་ཡེ་ཤེས་གནས་ལ་འདུ།། འདི་ནི་སྐུ་ཡི་དཀྱིལ་འཁོར་ཡིན།། རིགས་ལྔ་འབྲུ་དགུ་ཀཱི་ལ་ཡ།། ཐམས་ཅད་གསུང་གི་དཀྱིལ་འཁོར་གསལ།། བྲིས་ཏེ་ཡིག་འབྲུ་དགོད་པ
iiif viewer powered by OpenSeadragon
