| e-texts navigator |
| Wylie |
245b1 སུམ་བཞིན་དུ་གསལ་བར་སྦྱར།། ཐོགས་པ་མེད་པར་ལས་འགྲུབ་བྱེད།། ཕྲིན་ལས་གཅོད་པའི་མདོ་ཡིན་ནོ།། ཞེས་བཀའ་སྩལ་ཏོ།། ཕྲིན་ལས་འདུས་པ་རྩ་བའི་རྒྱུད་ལས། སྤྲུལ་པའི་ཕྱག་བརྙན་དམ་ཚིག་ཆེན་པོའི
245b2 ཕྲིན་ལས་ཀྱི་ལེའུ་སྟེ་བཅུ་གཅིག་པའོ།། །། དེ་ནས་ཁྲོ་བོའི་རྒྱལ་པོ་ཡིས།། རྒྱུད་དོན་ཉེ་བར་བསྡུས་ཏེ་བཤད།། རྣལ་འབྱོར་ཡེ་ཤེས་རང་རིག་པའི།། བདག་ཉིད་དཀྱིལ་འཁོར་རྩ་བ་སྟེ།། གཞོན་ནུ་རིགས
245b3 ཀྱི་གཙོ་བོ་ལྔ།། དུས་གསུམ་སངས་རྒྱས་སྲས་མཆོག་རྣམས།། ཀུན་སྦྱོར་ཉིས་བརྒྱ་ལྔ་བཅུར་རྫོགས།། ཁྲོ་ཆེན་ཕྱོགས་བཅུའི་དཀྱིལ་འཁོར་དུ།། ཡབ་ཡུམ་ཉེ་བའི་སྲས་གཉིས་ལས།། སྤྲུལ་པ་དང་ནི་ཉེ་བར
245b4 སྦྲུལ།། ཐུགས་ཀྱི་བདག་དང་བཅས་པ་ཡི།། བརྒྱ་དང་བཅུ་ཡི་ལྷ་རྣམས་སྣང་།། མངོན་པར་སྤྱོད་པ་ལ་སོགས་པའི།། འདུས་བྱས་ལྔ་རྣམས་གཟུགས་བརྙན་ལ།། ཁྲོ་ཆེན་ཞལ་གསུམ་ཕྱག་དྲུག་ལྡན།། སོ་སོའི་རིགས
245b5 ཀྱི་གཙོ་ཆེན་ལྔ།། གང་གིས་འདུལ་བ་དེར་སྣང་ཞིང་།། ཞི་དང་དབང་རྒྱས་དྲག་པོ་ཡིས།། སོ་སོའི་ཕྲིན་ལས་ངོར་འབྱུང་སྟེ།། དབྱིབས་དང་ཁ་དོག་རྫས་དང་སྦྱར།། སྐུ་སྨད་རང་གི་རྒྱུ་ལས་གྲུབ།། འོག་གཉིས་སྐྱེད་པ
245b6 ཞབས་ཀྱི་དབྱིབས།། ཟླུམ་པོ་གྲུ་བཞི་ཟླ་ཁམ་དང་།། གྲུ་གསུམ་རྣམས་ནི་ཁྱད་པར་ཡིན།། སྟེང་འོག་ཞི་བ་ཟླུམ་པོ་སྟེ།། ལོགས་བཞི་རྒྱས་པ་སྐྱེད་པ་དབང་།། ཟུར་རྣམས་དྲག་པོ་ཉིད་ཡིན་ནོ།། གོང་མའི་གནས་ལ
iiif viewer powered by OpenSeadragon
