| e-texts navigator |
| Wylie |
242b1 ཨོཾ་གྱིས་དངོས་པོ་སྦྱང་།། ཡེ་ཤེས་འབྱུང་བ་ཡུམ་གྱི་མཁའ།། རྣམ་དག་དབྱིངས་ནས་ཤར་བའི་བྷྲཱུཾ།། ཕྲིན་ལས་ཡོངས་གྱུར་གཞལ་མེད་ཁང་།། རང་ལུས་རྫོགས་པ་འདི་ཉིད་དེ།། མཚོན་ཆེན་འཁོར་ལོ་ཨོཾ་དཀར
242b2 པོ།། ལུས་ཀྱི་སྒོ་རུ་ཤར་བ་དང་།། འཕྲོ་འདུ་གསལ་བའི་ཕྱག་རྒྱ་ཡིས།། ཡེ་ཤེས་སེམས་དཔའ་ཡབ་ཡུམ་གཉིས།། སྤྱི་བོའི་སྟེང་དུ་བསམ་པར་བྱ།། འདི་ནི་འཁོར་ལོ་གཞོན་ནུ་སྟེ།། བུདྡྷ་ཀཱི་ལ་ཡ་ཞེས་བྱ།། མདུན
242b3 རྒྱབ་གཡས་གཡོན་གནས་བཞི་རུ།། བཛྲ་ཀཱི་ལ་ཡ་སོགས་བསྒོམ། སྙིང་གར་ཧཱུཾ་མཛད་ཡབ་ཡུམ་སོགས།། སྔར་བཤད་བཞིན་དུ་བསྒོམ་བྱ་སྟེ།། ཨོཾ་དཀར་འཁོར་ལོ་འབར་བར་བསམ།། ཕུང་པོ་འཁོར་ལོས་གཏམས
242b4 བྱས་ནས།། རྣམ་པར་ཤེས་པ་འཁོར་ལོར་བསྒོམ།། ཨོཾ་བུདྡྷ་ཀཱི་ལི་ཀཱི་ལ་ཡ་སརྦ་ཤཱནྟི་ཨོཾ་ཧཱུཾ་ཕཊ། དངུལ་ལམ་དཀར་པོའི་ཤིང་རྣམས་ལ། ཟླུམ་པོར་འདུས་རྫས་ལས་ལ་མངག། ཡུལ་གསུམ་མཚན་མ་བརྟན་གྱུར
242b5 ན།། ལྷ་ཀླུ་གནོད་སྦྱིན་བགེགས་རིགས་དང་། འདུ་བ་བཞི་གྱུར་ཡན་ལག་ནད།། འཇིགས་དང་དུས་མིན་འཆི་བ་བརྒྱད།། མི་དགེ་གནོད་པའི་ལས་ལ་སོགས། མ་ལུས་ཞི་བའི་ཕྲིན་ལས་སོ།། རིན་ཆེན་ཁྲོས་པས་ང
242b6 རྒྱལ་གཅོད།། མཚོན་ཆེན་སེར་པོ་འབར་ལྟ་བུ།། ནམ་མཁའི་དབྱིངས་ནས་ཐིགས་པར་ཤར།། རྟོག་མེད་ཏཱཾ་གྱིས་དངོས་པོ་སྦྱང་།། ཁ་དོག་རིན་ཆེན་ཏཱཾ་སེར་པོས།། དཔྲལ་བའི་དབུས་སུ་བསམ་པར་བྱ།། འདི་ལས
iiif viewer powered by OpenSeadragon
