| e-texts navigator |
| Wylie |
239a1 དབྱེ་བ། ཀྱོ་བ་འཛིན་མཛད་ཁྲོ་བོ་སྤྲོས།། དེ་ཉིད་གནས་བཅུ་དག་ནས་དབྱུང་། གཟུགས་ལ་བསྡུ་བའི་གནས་ཡིན་ནོ།། གདབ་པའི་གནས་ནི་འདུ་བྱེད་ཀྱིས།། ལག་པ་ཡུམ་བཞིར་བྱིན་བརླབས
239a2 ནས།། རྣམ་དག་སྐྱེ་མེད་ཡི་གེ་ཡིས།། སྣང་བ་གསུམ་ཉིད་གསལ་བར་བལྟའོ།། རྒྱུ་གསུམ་ལྡན་པའི་དབྱིངས་སུ་བཟླ།། བྱང་ཆུབ་སེམས་ཀྱི་ཆུ་རྒྱུན་ནོ།། ཨོཾ་བཛྲ་ཀུ་མཱ་ར་ཀཱི་ལི་ཀི་ལ་ཡ་ཧཱུཾ་ཧཱུཾ། ཨ་ཨཱ། སྲས་མཆོག་ཧཱུཾ
239a3 མཛད་ལ་སོགས་གདབ།། དེ་ཡིས་ཕྱོགས་བཅུའི་འཇིག་རྟེན་ཁྱབ།། གནས་ངན་སྦྱངས་ལ་སླར་ལ་བསྡུ།། ཀུན་གྱི་མཐུ་དང་གཟི་བྱིན་བསྐྱེད།། བྱིན་གྱིས་བརླབས་ཏེ་དངོས་གྲུབ་སྩལ།། ཚེ་དང་བཀྲུ་བའི་ལས་ཡིན་ནོ།།
239a4 ཕཊ་ཀྱིས་རབ་མཚན་སྲས་ཀྱི་མཆོག། འབྲུ་དགུའི་རྗེས་ལ་གཟེ་མ་སྦར།། དངོས་བཅོམ་དབུས་སུ་འདུས་པ་ཡང་།། ས་བོན་དྲུག་ལ་འོད་ཀྱིས་བཏབ། འབྲས་བུ་ཕོ་ཉར་བཅས་པ་དབབ།། ཕུར་པ་གསང་བའི་གནས
239a5 སུ་བསྟིམ།། ཁྱད་པར་ལས་སུ་རབ་བཤད་དོ།། བདག་ཉིད་སྲས་དང་དམིགས་པ་རྣམས།། གསལ་བ་གསུམ་ལྡན་བྱིན་བརླབས་ཏེ།། ཕོ་ཉ་གདབ་ཅིང་བསྐུལ་བ་ནི།། བྲན་དང་བཀའ་ཉན་ཕོ་ཉའི་ཚོགས།། ཁྱོད་ཀྱི
239a6 དམ་ཚིག་དུས་ལ་བབ།། སྔོན་ཆད་ཇི་བཞིན་དམ་བཅས་པའི།། མངོན་སྤྱོད་ཕྲིན་ལས་མྱུར་དུ་མཛོད།། དེ་ཡི་སྙིང་པོས་གནས་བཅུར་གདབ། ཧ་ན་ཧ་ན་བཛྲ། ད་ཧ་ད་ཧ་བཛྲ། པ་ཙ་པ་ཙ་བཛྲ། མ་ཐ་མ་ཐ་བཛྲ། ཛྭ་ལ
iiif viewer powered by OpenSeadragon
