| e-texts navigator |
| Wylie |
238a1 པས་བཀྲག་མདངས་བསྐྱེད།། དྲག་པོའི་ལས་ལ་འཇུག་པར་ནུས།། གནས་ནས་དགུག་པར་བྱ་བ་ནི།། སྔགས་བཟླས་འོད་ཟེར་དྲག་པོ་ལས།། སྟོང་གསུམ་གང་བའི་ཁྲོ་བོའི་ཚོགས།། ཡུལ་དེ་དགུག
238a2 ཅིང་སྙིམ་པར་བྱེད།། སྔོན་དུ་བཤད་པའི་ཆོས་རྣམས་ཀྱིས།། དམ་ཚིག་ཆེན་པོའི་དུས་ལ་བབ།། ཀུན་གྱི་སྦྱོར་བའི་བྱིན་རླབས་སྤྲུལ།། སྤྲུལ་པ་ཆེན་པོའི་དུས་ལ་བབ།། དེ་དག་བཀའ་སྡོད་ཕོ་ཉམ།། ཕྱག་བརྙན་ཆེན
238a3 མོའི་དུས་ལ་བབ།། ཇི་ལྟར་ནོས་ཤིང་ཁས་བླངས་པ།། ཁྱོད་ཀྱི་དམ་ཚིག་དུས་ལ་བབ།། དང་པོ་དམ་པ་དོན་གྱི་ཕྱིར།། བྱང་ཆུབ་མཆོག་གི་སེམས་བསྐྱེད་ཅིང་།། དུས་གསུམ་རྒྱལ་བའི་གདུང་འཚོབ་པའི།། རིག
238a4 འཛིན་བདག་ཅག་རྣམས་ལ་ནི།། གནོད་ཅིང་གདུག་པའི་དགྲ་དང་བགེགས།། བདུད་དང་བར་དུ་གཅོད་པ་དང་།། དངོས་གྲུབ་འཕྲོག་ཅིང་འཚེ་བ་རྣམས།། ཁྲོ་བོ་ཆེན་པོའི་བྱིན་རླབས་ཀྱིས།། ཡུད་ཅིག་གིས་ནི་འདིར
238a5 བཀུག་ནས།། མངོན་སྤྱོད་ཚུལ་བཞིན་བསྒྲལ་བ་དང་།། ལུས་ངག་རྡུལ་དུ་བཤིགས་ནས་ཀྱང་།། སྡུག་བསྔལ་ཉམས་སུ་མྱོང་བར་མཛོད།། ཕོ་ཉ་འཇིག་རྟེན་རབ་གང་བས།། གདུག་པ་ཀུན་བསྟིམ་ལས་ཀུན་བྱེད།། ཨོཾ
238a6 བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ།། འདྲེན་པའི་སྙིང་པོ་འདི་ཡིས་ནི།། ཡུད་ཙམ་དེ་ཉིད་གནས་སུ་དགུག། ཨོཾ་བཛྲ་ཀཱི་ལི་ཀཱི་ལ་ཡ་ཧཱུཾ་ཧཱུཾ་ཧཱུཾ།། ཕཊ་ཕཊ་ཕཊ། བཛྲ་གིང་ཀ་ར་ཧཱུཾ་ཧཱུཾ་ཨ་ཨཱ། རླུང་གིས་ཤིང་ལོ་བསྐྱོད་བཞིན
iiif viewer powered by OpenSeadragon
