| e-texts navigator |
| Wylie |
237b1 བརྩམ་མཚོན་གྱིས་གཏུབ།། གཙོ་བོ་ནས་བརྩམ་རེ་རེ་དབུལ།། ཨ་མུ་ཀ་མཱ་ར་ཡ་ཛ་ལ་རཾ་རཾ།། བཀའ་ལས་འདའ་བའི་སྡིག་ཅན་རྣམས།། རྡོ་རྗེ་མེ་དཔལ་སྙིང་བསྲེག་ནས།། ལུས་ངག་རྡུལ་ཕྲན་བཞིན་དུ་རློག། གང
237b2 ལ་དམིགས་པ་གཏན་ནས་འཕོ།། སྣང་ཞིང་སྲིད་པ་འདི་རྣམས་ཀུན།། འུབ་ཆུབ་གཅིག་ཏུ་འབར་བར་བྱ།། མ་དག་ཚངས་པར་གསོལ་ནས་ནི།། གཙོ་བོ་རྣམས་དང་མེ་ལྷ་གཤེགས།། རྩ་བ་ལས་བྱུང་རང་ལ་བསྡུ། སླར
237b3 ཡང་རྗེས་མཐུན་རོལ་པ་སྟོན།། བསོ་དང་གནས་པའི་སྦྱོར་བ་བརྩམ།། ཞེས་གསུངས་སོ།། ཕྲིན་ལས་འདུས་པ་རྩ་བའི་རྒྱུད་ལས། སྦྱིན་སྲེག་མཆོད་པའི་ཕྲིན་ལས་ཀྱི་ལེའུ་སྟེ་དྲུག་པའོ།། །། དེ་ནས་ཁྲོ་བོའི
237b4 རྒྱལ་པོ་ཡིས།། རིག་པ་ཆེན་པོ་འདི་གསུངས་སོ།། བྱིན་གྱིས་བརླབས་པའི་གནས་ཉིད་དུ།། རྒྱན་དགོད་པ་དང་བསྲུང་བྱ་སྟེ།། སྲིད་པའི་ཕུར་པ་བསྒྲུབ་བྱས་ཤིང་།། ཁྱད་པར་དམིགས་པ་ཉིད་ལ་གཞུག། ཕྲེང་བ་དྲག
237b5 པོས་སྲས་མཆོག་སྤྲོ།། དམིགས་པ་དགུག་བསྟིམ་སྙིང་ནས་གཟིར།། སྲོག་རྩ་ཐོད་རློན་ལ་སོགས་རྟགས།། རྨི་དང་མངོན་སུམ་ཉམས་ལ་རྟགས།། མ་བྱུང་བར་དུ་འབད་ལ་བསྒྲུབ།། དུས་མཚུངས་གསལ་བ་གསུམ
237b6 གྱིས་བརྡེག། སྙིང་གར་ཉི་མ་དབང་ཆེན་གྱི།། འོད་དམར་ཐུགས་ལས་ཁམས་གསུམ་འཕྲོ།། ཁུ་བ་ཁྲག་གི་རྒྱ་མཚོ་སྟེ།། ཁྲོ་བས་དེ་རྔུབ་ཤིན་ཏུ་ཁྲོས།། ཁམས་གསུམ་ཡོངས་སྒྲོལ་མཆོད་པའོ།། རང་གིས་གཞིབས
iiif viewer powered by OpenSeadragon
