| e-texts navigator |
| Wylie |
237a1 རབ་ལྡན་པ།། དམ་ཚིག་གསང་བའི་བཀའ་དབང་བྱ།། མཆོད་ཡོན་ནག་པོ་དྲི་ང་བས།། ནག་པོའི་ཆ་ལུགས་འཛིན་པ་མཉེས།། ལྕེ་གཟར་ཁ་ལ་རང་སྔགས་བསམ།། གཡོན་གྱིས་བླུག་པའི་གཟར་བུ
237a2 བཟུང་།། བདུད་རྩི་གདུག་པའི་མར་བཅུས་ཏེ།། ཤིན་ཏུ་གདངས་པའི་ཞལ་དེ་རུ།། བདུན་ནམ་ཉི་ཤུ་རྩ་གཅིག་དབུལ།། ཨོཾ་བཛྲ་ཨ་ན་ལ་ཨགྣི་མ་ཧཱ་པུ་ཛ་སརྦ་བྷསྨི་ཀུ་རུ་སརྦ་ཤུ་ཏ་ཧཱུཾ་ཕཊ། མཉེས་ཤིང་བགེགས
237a3 བསྐྲད་དངོས་གྲུབ་གསོལ།། མཆོད་བསྲེག་རྫས་གཞན་རྣམས་ཀྱང་དབུལ།། འབར་བ་དང་ནི་འཁྱིལ་པ་བརྟག། དེ་ནས་རིགས་ཀྱི་བདག་པོ་ཉིད།། རིག་མར་བཅས་པའི་རྫས་ཀྱི་གསང་།། ཁྲག་འཐུང་ཁྲོ་བོ་འཁོར
237a4 དང་བཅས།། འབར་བའི་དབུས་སུ་དྲངས་བྱས་ཏེ།། སྔར་བཤད་ཆོ་གས་མཉེས་པར་བྱ།། ལྕེ་ཡི་དབུས་དང་བླུག་གཟར་མཐིལ།། ཆོས་ཀྱི་ཡི་གེ་འབར་བར་བསམ།། ཨོཾ་བཛྲ་ཀུ་མཱ་ར་དཱིཔྟ་ཙཀྲ་ཀཱི་ལི་ཀཱི་ལ་ཡ་ས་མ་ཡ
237a5 མུ་དྲ་པྲ་བྷན་ཙཀྲ་མེ་ཏི་རཾ་རཾ་ཁ་ཁ་ཁཱ་ཧི་ཁཱ་ཧི།། དགང་བླུགས་ཀྱིས་ནི་དང་པོ་རུ།། དུག་དང་བསྐུ་བའི་འབྲུ་མར་དབུལ།། དེ་ནས་རྫས་ཀུན་ཐམས་ཅད་དེ།། ཐ་མར་དུག་དང་འབྲུ་མར་ཏེ།། བརྒྱའམ་སྟོང་དུ་དབུལ
237a6 བར་བྱ།། ལྷག་མ་ལྷ་རྣམས་རང་རང་གི། སྔགས་ཀྱི་ཕྲེང་བདག་གིས་སོ།། དེ་ནས་རྫས་ཀུན་གཅིག་བསྡུས་ཏེ།། དུག་དང་ཁ་བའི་འབྲུ་མར་ལ།། དམིགས་པའི་གཟུགས་བཅས་གཞུག་ཅིང་དགུག། མཐེ་ཆུང་ནས
iiif viewer powered by OpenSeadragon
