| e-texts navigator |
| Wylie |
236b1 དབྱུང་།། སྟེང་དུ་སྒྲ་ཡིག་དང་པོ་ལས།། རྡོ་རྗེ་རྩེ་དགུ་འོད་འབར་བ།། ས་བོན་རྒྱུ་ཡིས་མཚན་པར་བསྒོམ།། ལས་ཀྱི་སྒྲ་བརྗོད་འཕྲོ་འདུ་ཡིས།། གཙོ་ཆེན་རྡོ་རྗེ་འཆང་བ་དེ།། སྦར་བཤད་རྟགས་དང་ལྡན་པར
236b2 བྱ།། རིགས་ཀྱི་བདག་པོས་དབུ་མནན་ཅིང་།། རང་གི་སེམས་དཔའ་སྙིང་ལ་གནས།། གསང་བའི་གནས་བྱུང་བྷྱོ་ལས་ནི།། དགྱེས་པའི་ཡུམ་ཉིད་ཚུལ་བཞིན་དབྱུང་།། དེ་ཉིད་དབྱིངས་ཀྱི་གནས་མཆོག་ཏུ།། མིང་གི
236b3 ས་བོན་རིག་པ་སྤྲོ།། སྤྲོ་དང་བསྡུ་བ་མངོན་གསལ་བས།། ཚུལ་འདྲའི་ཡེ་ཤེས་དཀྱིལ་འཁོར་བདག། གནས་དབུས་ཉིད་དུ་འབོད་པར་བྱ།། ཕྱི་རོལ་དུ་ནི་སྲས་མཆོག་དང་།། ཇི་སྙེད་པ་ཡི་འཁོར་རྣམས་ཉིད།། གཙོ་བོ
236b4 དང་མཐུན་རིགས་ཀྱིས་དབྱུང་།། ལས་ལ་འབད་པའི་ཚོགས་ཀྱང་བཞག། སྙིང་ན་རྡོ་རྗེ་རྣམ་བསམས་ནས།། ལག་པ་རྡོ་རྗེ་བསྡུ་མཛད་དེ།། དགུག་གཞུག་བཅིང་དང་དབང་དུ་བྱ།། ལྕེ་ལ་ཆོས་ཀྱི་ཕྱག་རྒྱ་བཞག། རྒྱས
236b5 གདབ་ཕྱག་རྒྱ་ཆེན་པོའོ།། གདན་བསྟབ་པ་དང་འདུད་པ་དང་།། མཆོད་བསྟོད་མཉེས་བྱ་སྒྲ་ཚིག་དབུལ།། དེ་ནས་མེ་ལྷ་མདོག་ནག་པོ།། པདྨ་ནག་པོ་ལ་འདུག་ཅིང་།། ཁྲོས་པའི་ཚུལ་ཅན་བསྐྱེད་པར་བྱ།། གདོལ
236b6 པའི་ཁྱིམ་མམ་དུར་ཁྲོད་ནས།། བླངས་པའི་མེ་ལ་དྲག་པོར་འབུད།། གཡོན་པས་བདུད་རྩི་བསང་གཏོར་བྱ།། སྤྱན་དྲང་བ་དང་བགེགས་བསྐྲད་དང་།། བསྲུང་དང་ཕྱོགས་བཅིང་ངེས་པར་བྱ།། བྱིན་གྱིས་བརླབ་པ
iiif viewer powered by OpenSeadragon
