| e-texts navigator |
| Wylie |
235b1 ང་གི་ཐོད་ཕྲེང་བརྒྱུས།། ཞི་བའི་སྙིང་རྗེས་མི་གནས་ཆགས།། གཞན་དོན་གཟིགས་པ་རཀྟའོ།། དགེ་བ་འཕེལ་བྱེད་ཐལ་ཆེན་ཏེ།། ཀུན་གྱི་སེམས་རྟོགས་བཅུད་ཀྱིས་བརྒྱན།། གཞན་ཡང་གཏི་མུག་འདོད་ཆགས
235b2 དང་།། ཞེ་སྡང་འཇིག་ཚོགས་ཕྲག་དོག་དང་།། སེར་སྣ་ང་རྒྱལ་མ་བརྟགས་སྤྱོད།། དབང་བྱེད་རིམ་བཞིན་རྟགས་ཀྱིས་བརྒྱན།། ཁ་ཅིག་ཏུ་ན་སྔོན་བཞིན་དུ།། ཕྲིན་ལས་ཆེན་པོ་མཛད་པའི་དུས།། དྲེགས་པ་རཱུ་ཏྲ་དེ
235b3 འཁོར་བཅས།། བྱི་ན་ཡ་ག་གླང་ཆེན་གཟུགས།། མཁའ་འགྲོ་ཆེན་མོ་སྟག་མགོ་ཅན།། མཐའ་ཡས་ཀླུ་དང་ལྷ་ཆེན་པོ།། བསྒྲལ་བའི་པགས་པ་ཐོད་ཕྲེང་དང་།། ཁྲག་ཞག་དང་ནི་ཐལ་བས་བརྒྱན།། ཐུན་མོང་ཁྱད་པར
235b4 ཕྱི་དང་ནང་།། རྟགས་ཀྱི་དོན་མཚོན་ཙམ་ཉིད་དེ།། དོན་དམ་ངེས་པ་ཡུལ་དང་དངོས།། དེ་ལ་བྱ་དང་བྱེད་པ་མེད།། གཏུམ་ཞིང་ཁྲོ་བས་འདུལ་བ་ལ།། རང་གི་སྣང་བ་སངས་རྒྱས་མཐུ།། ཞེས་གསུངས་སོ།། ཕྲིན་ལས
235b5 འདུས་པ་རྩ་བའི་རྒྱུད་ལས། དུར་ཁྲོད་ཆེན་པོའི་ཆས་རྒྱན་གྱི་རྟགས་དང་ཡོན་ཏན་གྱི་ལེའུ་སྟེ་ལྔ་པའོ།། །། དེ་ནས་ཁྲོ་བོའི་རྒྱལ་པོ་ཡིས།། མངོན་སྤྱོད་ལས་ཀྱི་རིམ་པ་ལས།། མཆོད་སྦྱིན་དྲག་པོ་འདི
235b6 གསུངས་སོ།། རྩ་བའི་དཀྱིལ་འཁོར་ཉིད་ཀྱི་དྲུང་།། གྲུ་གསུམ་ཁྲུ་གང་རྒྱ་དང་དཔངས།། མུ་རན་སོར་གསུམ་སླར་བསྟོད་དེ།། ཁྲུ་གང་ཨེ་ཡི་དབུས་ཉིད་དུ།། གཅོད་པའི་འཁོར་ལོ་རྩིབས་བཞི་བྲི།། མིང་དང་མཚན་མ
iiif viewer powered by OpenSeadragon
