| e-texts navigator |
| Wylie |
235a1 ཞིང་གཞན་བསྒྱུར་བས།། གདུལ་བྱའི་རིགས་ལ་འཚམས་པའི་རྐྱེན།། ལྷག་པར་རྟགས་ཀྱི་དོན་ལྡན་པའི།། དཀར་ཞིང་གསལ་མཉེན་ཞི་བསྒོ་མྱུར།། ཕྱིར་བསལ་སླ་ཚ་ཕྱིར་གསལ་སླ་བ་ཕྲིན་ལས
235a2 དོན།། ཐོག་མའི་མུན་པ་མ་ལུས་སེལ།། ཡེ་ཤེས་སྣང་བའི་ཚོགས་ཀུན་བསྐྱེད།། དྲག་པོས་ལས་སོགས་མྱུར་དུ་འདུལ།། ཁམས་དང་བག་ལ་ཉལ་བ་དང་།། ཇི་ལྟར་འཚམས་པ་དེ་བཞིན་སྟོན།། ངེས་འབྱུང་སྐལ་བ
235a3 ཡོད་པ་ཡིས།། རྣམ་གྲོལ་གོ་འཕང་མྱུར་འཐོབ་བྱེད།། བག་ཆགས་ཅུང་ཟད་མི་གནས་པར།། འབྱིན་པའི་དོན་དེ་ཉེ་བར་གནས།། བཅུད་མཆོག་སྣུམ་ཞུན་རོག་པ་མཉེན།། འགྱུ་བའི་ནད་སེལ་བསལ་མི་ནུས།། དྲི་དང
235a4 ཁ་དོག་རབ་གསལ་བཞིན།། རྡོ་རྗེ་ཐོག་མཆོག་གྱ་ནོམ་པ།། རིག་པ་ཅན་གྱི་གཉེན་པོར་འགྱུར།། ཉོན་མོངས་ལྔ་དང་དྲུག་ཉིད་ཀྱིས།། ཡན་ལག་ནད་དུ་གྱུར་པ་སེལ།། གྲངས་མེད་དབར་དུ་ཆུད་མི་ཟ།། བློ་ངན་ཤེས
235a5 རབ་ཆུང་བ་ཡིས།། འདི་ལ་ངེས་འབྱུང་སྐལ་མེད་དེ།། དུས་ལ་བབ་ན་སར་གནས་བྱེད།། འདི་དག་རྫོགས་ཕྱིར་རབ་ཏུ་བརྒྱན།། གཞན་ཡང་ང་ཡི་བསྟན་པ་འདིས།། རྡོ་རྗེའི་ཐེག་པ་ཆེར་ལྡན་ཞིང་།། ཁོང་དུ་ཆུད་པའི
235a6 མཐུ་མངའ་བས།། གླང་ཆེན་ཀོ་རློན་རབ་ཏུ་བགོས།། རྒོལ་བ་མཐུན་པར་ཚར་གཅོད་ཕྱིར།། སྟག་གི་ཤམ་དུ་དཀྲིས་པའོ།། ལྟོ་འཕྱེའི་དུག་འཇོམས་སྦྲུལ་གྱིས་བརྒྱན།། སེམས་གཉིས་མི་འགྱུར་ཙརྨའོ།། སྐུ་གསུམ
iiif viewer powered by OpenSeadragon
