| e-texts navigator |
| Wylie |
233b1 ཆོ་ག་ཚུལ་བཞིན་བྱ།། འབྲུ་ནག་དུག་ཁྲག་བདུད་རྩི་ཡིས།། དབང་བྱིན་བརླབས་ཏེ་ལས་ལ་མངག། སྙིང་དབུས་ས་བོན་ལས་སྔགས་སྤྲོ།། ཚུལ་འདྲའི་གཟུགས་ལ་ངེས་པར་བསྟིམ།། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱཾ
233b2 བཾ་ཧཱུཾ་ཕཊ།། ལྡེག་འབར་འོད་དང་སྒྲ་འབྱིན་དང་།། བཟང་པོ་མ་མཐོང་བར་དུའོ།། སྐྱོ་དུབ་ཐུན་མཚམས་བྱ་བའི་དུས།། འདི་ནི་སྒྲུབ་པ་བླ་མེད་པའོ།། ཕྲིན་ལས་འདུས་པ་རྩ་བའི་རྒྱུད་ལས། བསྙེན་པ་དང་བསྒྲུབ་པ
233b3 བསྟན་པ་རྩ་བའི་ལེའུ་སྟེ་བཞི་པའོ།། །། དེ་ནས་བཅོམ་ལྡན་ཁྲོ་རྒྱལ་གྱིས།། ཉིད་ཀྱི་སྐུ་ཡི་དཔའ་བོའི་ཆས།། ཡོན་ཏན་ཁྱད་པར་འདི་བཤད་དོ།། གླང་ཆེན་ཀོ་རློན་ཐེག་ཆེན་སྟོབས།། དཔའ་གཏུམ་ཟ་བྱེད
233b4 སྟག་གི་རྒྱན།། མཉེན་ལྕུག་འཁྲིལ་ཡུམ་སྦྲུལ་གྱིས་བརྒྱན།། བྱང་ཆུབ་སེམས་ལྡན་ཙརྨ་སྟེ།། ཐོད་ཕྲེང་གསུམ་ནི་སྐུ་གསུང་ཐུགས།། ཐུགས་རྗེ་ཆགས་པ་རཀྟའི་རྒྱན།། གདུལ་བྱའི་ཕྲིན་ལས་ཐལ་ཆེན་པོ།། ཞག་གི་རི
233b5 མོ་དོན་དམ་བཅུད།། རྒྱུ་ཡིས་མཚོན་ནས་དོན་དྲུག་ལྡན།། གླང་ཆེན་རྒྱས་སྟོབས་ཆེས་རྒྱབ་ཡང་།། ལུས་རགས་རིན་ཟང་ཆེ་འགྱུར་ཞིང་།། ཁྲོམ་བཏགས་གཞན་གྱི་དཔུང་འཇོམས་ནུས།། ཐེག་ཆེན་འདིར་ནི་ལམ་ཀུན
233b6 ཤོངས།། དགེ་དང་མི་དགེ་མཉམ་པར་འདེགས། མཚམས་མེད་ལས་སོགས་བྱས་པའང་ཤོངས།། ཉོན་མོངས་འདོད་ཡོན་མ་སྤངས་འགྲུབ།། ལམ་འདི་ཡོན་ཏན་དཔག་ཏུ་མེད།། མ་རིག་ཟག་པ་མྱུར་དུ
iiif viewer powered by OpenSeadragon
