| e-texts navigator |
| Wylie |
232a1 བསལ་བར་རིགས་ཆེན་ལྔ།། སྙོམས་མཛད་བྱང་ཆུབ་སེམས་ཀྱི་རྒྱུན།། མགྲིན་པར་བབས་པས་དངོས་པོར་འཛིན།། བསལ་བའི་འབྲས་བུ་སྣང་མཐའ་ཡས།། ཡེ་ཤེས་འཁོར་ལོ་ལྷ་མོར་གྱུར།། བདག
232a2 ལ་ཐིམ་པས་བདེ་བར་གྱུར།། ཤེས་རབ་ཡེ་ཤེས་གསལ་བའི་དབང་།། གཉིས་མེད་ཐིམ་པས་དབང་བཞི་རྫོགས།། སྙིང་རྗེས་བསྒྲལ་བའི་དམ་ཚིག་ནི།། མ་ལུས་མཛད་པས་ཀུན་དྲངས་ཏེ།། རྒྱལ་བའི་སྲས་སུ་བྱ་བ
232a3 ལས།། གསད་ཅིང་གནན་པར་མ་ཡིན་ཏེ།། འཕྲོ་འདུ་ལས་ལ་ཀུན་སྦྱོར་བས།། འདི་ནི་བསྙེན་པའི་མཆོག་ཡིན་ནོ།། གསོལ་བཏབ་དབང་བསྐུར་རབ་རྫོགས་ནས།། མཁའ་དབྱིངས་གསང་གནས་བྱིན་བརླབས
232a4 ཤིང་།། མཉེས་མཛད་བསྐུལ་པའི་འོད་ཕུང་ལས།། འཕྲོ་འདུ་ལས་ཀྱི་གསལ་བར་ཤར།། ཧཱུཾ་ཧཱུཾ་ཧཱུཾ་ཧཱུཾ། ཧཱུཾ་བྷྱོ་ཧཱུཾ་བྷྱོ་ཧཱུཾ་བྷྱོ་ཧཱུཾ་བྷྱོ་ཧཱུཾ་བྷྱོ་ཧཱུཾ་བྷྱོ་ཧཱུཾ་བྷྱོ་ཧཱུཾ་བྷྱོ་ཧཱུཾ་བྷྱོ་ཧཱུཾ་བྷྱོ། ཧ་ཧེ་ཧ་ཧེ་ཧ་ཧེ་ཧ་ཧེ་ཧ་ཧེ་ཧ་ཧེ་ཧ་ཧེ་ཧ་ཧེ་ཧ་ཧེ་ཧ་ཧེ།།
232a5 ཛཿཧཱུཾ་བཾ་ཧོཿ།། སྲིད་པའི་ཕུར་པ་མངལ་སྐྱེས་ཚུལ།། རང་གི་མིང་གི་འོད་ཀྱི་དབྱིངས།། སླར་འདུས་སོ་སོའི་གདན་ཡིན་ཏེ།། བརྒྱ་བྱིན་མེ་ལྷ་གཤིན་རྗེ་དང་།། སྲིན་པོ་ཀླུ་དང་རླུང་གི་ལྷ།། གནོད་སྦྱིན་དབང་ལྡན་ས
232a6 བདག་དང་།། ཚངས་པ་ཉི་ཟླ་འདི་རྣམས་ཀུན།། རང་གི་མིང་ནས་བྱུང་བའི་སྟེང་།། འཁོར་བཅས་རྫོགས་པའི་ལུས་སུ་བལྟ།། བདག་ཉིད་གསལ་བ་དམ་ཚིག་གི། སྙིང་གའི་འོད་འབར་ཧཱུཾ་སྔོན་ལས།། སྲིད་པའི་ཕུར
iiif viewer powered by OpenSeadragon
