| e-texts navigator |
| Wylie |
231b1 རྟགས་ཀྱི་གཉེན་པོ་སྟེ།། རྡོ་རྗེ་ཁྲོས་པས་ཞེ་སྡང་གཅོད།། མཚོན་ཆེན་སྔོན་པོ་འབར་ལྟ་བུ།། ནམ་མཁའི་དཀྱིལ་ནས་ཐིགས་པ་ཤར།། འབར་བས་མི་རྟོག་ཡི་གེ་ཧཱུཾ།། རྟོག་པ་བསྐལ་པ་གསུམ་གྱིས་སྦྱངས།། ཡེ་ཤེས
231b2 འབྱུང་བ་ཡུམ་གྱི་མཁའ།། རྣམ་དག་དབྱིངས་ལས་ཤར་བའི་བྷྲཱུཾ།། ཕྲིན་ལས་ཡོངས་གྱུར་གཞལ་མེད་ཁང་།། རང་ལུས་རྫོགས་པ་འདི་ཉིད་དེ།། མཚོན་ཆེན་རྡོ་རྗེ་ཧཱུཾ་སྔོན་པོ།། ལུས་ཀྱི་སྒོ་བཅུར་ཤར་བ་དང་།། འཕྲོ
231b3 འདུ་གསལ་བའི་ཕྱག་རྒྱ་ཡིས།། ཡེ་ཤེས་སེམས་དཔའ་ཡབ་ཡུམ་གཉིས།། སྙིང་གའི་དབུས་སུ་བསྒོམ་པར་བྱ།། མདུན་རྒྱབ་གཡས་གཡོན་གནས་བཞི་རུ།། རིགས་ཀྱི་སྲས་བཞི་བསམ་པའོ།། སྤྱི་གཙུག་ཧཱུཾ་མཛད་ཡབ
231b4 ཡུམ་སྟེ།། དཔྲལ་བར་རྣམ་པར་རྒྱལ་བའོ།། མགྲིན་པར་རྟ་ཡི་མགྲིན་ཅན་དང་།། སྙིང་གར་བདུད་རྩི་འཁྱིལ་པ་བསྒོམ།། ལྟེ་བར་གཤིན་རྗེ་གཤེད་པོ་སྟེ།། གསང་བའི་གནས་སུ་སྟོབས་པོ་ཆེ།། དཔུང་པ་གཡས་སུ
231b5 དབྱུག་སྔོན་ཅན།། གཡོན་དུ་ཁམས་གསུམ་རྣམ་རྒྱལ་ལོ།། རྐང་པ་གཡས་ལ་མི་གཡོ་བ།། གཡོན་ལ་གཞན་གྱིས་མི་ཐུབ་པའོ།། ཡན་ལག་མཐིལ་བཞི་སྒོ་མ་བཞི།། བ་སྤུའི་བུ་ག་ཐམས་ཅད་ཀྱང་།། ཧཱུཾ་སྔོན་འབར་བ
231b6 རྡོ་རྗེར་བསྒོམ།། ཕུང་པོ་རྡོ་རྗེས་གཏམས་བྱས་ནས།། སྟེང་འོག་གནས་གསུམ་སྐུ་གསུང་ཐུགས།། ཉི་མའི་དཀྱིལ་འཁོར་ཧཱུཾ་ལྡན་པའི།། རྣམ་པར་ཤེས་པ་རྡོ་རྗེར་བསྒོམ།། སྤྱི་གཙུག་ཡེ་ཤེས་རྒྱུན་སྦྱར་བས།། དྲི་མ
iiif viewer powered by OpenSeadragon
