| e-texts navigator |
| Wylie |
229b1 ཅོན་འཛིན།། དབང་གི་ཀཱི་ལ་ཡ་ཞེས་པ།། ཞལ་གསུམ་དཀར་སེར་དབུས་དམར་ཞལ།། གཡས་གཡོན་དང་པོ་རལ་གྲི་མདུང་།། བར་པ་གཉིས་ན་མདའ་གཞུ་འགེངས།། ཕྲིན་ལས་མཛད་པའི་སྲས་མཆོག་ནི།། ཞལ
229b2 གསུམ་དཀར་དམར་ལྗང་གུ་སྟེ།། གཡས་ན་མདུང་དང་ལྕགས་ཀྱུ་སྟེ།། གཡོན་གྱི་གྲི་གུག་རལ་གྲིའོ།། ཐ་མའི་ཕྱག་གཉིས་ཐམས་ཅད་ཀྱི།། ཞི་རྒྱས་དབང་དང་དྲག་པོ་ཡི།། རི་རབ་ཕུར་པ་རིམ་བཞིན་འཛིན།། འདི
229b3 དག་མ་ལུས་ཐམས་ཅད་ཀུན།། དཔའ་བརྗིད་དུར་ཁྲོད་ཆས་ཀྱིས་བརྒྱན།། ཕྱི་རོལ་དངོས་པོའི་ཆོས་རྣམས་ཀུན།། གཟུགས་སུ་སྣང་དང་སྒྲ་རུ་གྲག། དྲན་དང་བསམ་དང་རྟོག་དཔྱོད་ཚོགས།། འདི་དག་རྣམས་ཀྱི་སྐུ
229b4 གསུང་ཐུགས།། འདི་དག་ཉིད་ཀྱང་དེ་དག་སྟེ།། ཆོས་ཉིད་ཁྱབ་པའི་ཕུར་པའོ།། དེ་ཉིད་ཐབས་ཀྱི་ཤེས་འགྱུར་ཞིང་།། ཤེས་རབ་ཉིད་ཀྱང་དེ་ཡི་ཐབས།། དོན་དམ་གཉིས་མེད་ཕུར་པ་སྟེ།། ཀུན་གྱི་དམ་པ་འདི་ཟུང
229b5 ཞིག། རྟོག་པའི་འཆིང་བས་འཆིང་བྱེད་ཅིང་།། གྲོལ་བ་ཡང་ནི་དེ་ཉིད་དོ།། སངས་རྒྱས་རྣམས་ཀྱི་གསང་ཆེན་འདི།། རྟོགས་པ་དང་ནི་ཤེས་བྱའི་ཡུལ།། ཁྱོད་ཀྱིས་ཐེ་ཚོམ་མ་བསྐྱེད་ཅིག། ཅེས་གསུངས་སོ།། ཕྲིན
229b6 ལས་འདུས་པ་རྩ་བའི་རྒྱུད་ལས། སྐུ་ཡོངས་སུ་རྫོགས་པ་ཕྲིན་ལས་རྩ་བའི་ལེའུ་སྟེ་གཉིས་པའོ།། །། དེ་ནས་ཁྲོ་བོའི་རྒྱལ་པོ་ཡིས།། དམ་པའི་དགོངས་པ་འདི་བཤད་དོ།། ངོ་བོ་རིག་པ་བྱང་ཆུབ
iiif viewer powered by OpenSeadragon
