| e-texts navigator |
| Wylie |
228b1 འདི་ཡིས་ལེགས་པར་བཏབ།། འཇིག་རྟེན་པ་དང་འཇིག་རྟེན་འདས།། འུབ་ཆུབ་འདུས་པས་ཕུར་པ་སྟེ།། ཀུན་རྫོབ་རྟགས་སུ་ང་ཡིས་བཟུང་།། ཡོན་ཏན་ཚོགས་ཆེན་ལས་བྱུང་ཞིང་།། མ་ལུས་ཕྲིན་ལས་རྫོགས
228b2 མཛད་ཕྱིར།། ཕྱོགས་བཅུ་དག་གི་སངས་རྒྱས་ཞིང་།། ཀུན་གྱི་མཛད་པ་རྫོགས་སྤྱོད་ཅིང་།། སེམས་ཅན་ཁམས་ཀུན་ཡོངས་སྒྲོལ་བའི། འཇིགས་བྱེད་ཁྲོ་བཅུ་བྱུང་བ་ནི།། ཞལ་གསུམ་ཕྱག་དྲུག་ཞབས་བཞིར
228b3 བཞུགས།། ཕྱོགས་བཅུའི་དྲེགས་པ་གནོན་པར་མཛད།། ཕྱག་དྲུག་དང་པོ་གཉིས་ཀྱིས་ནི།། རྡོ་རྗེ་དང་ནི་ཐོད་ཁྲག་འཛིན།། ཐ་མ་ཕུར་པ་འདྲིལ་ཞིང་སྡོམ།། ཧཱུཾ་ཆེན་སྔོ་སྐྱ་མདའ་གཞུ་འགེངས།། རྣམ་རྒྱལ་འཁོར་ལོ་ཏྲི
228b4 ཤུལ་དཀར། དབྱུག་སྔོན་མེ་དཔལ་དབྱུག་ཏོ་འཕྱར།། གཤིན་རྗེ་གཤེད་ནི་མཐིང་ག་སྟེ།། ཐོད་དབྱུག་དང་ནི་དགྲ་སྟ་འཛིན།། མི་གཡོ་ལྗང་སྔོན་རལ་གྲི་ཞགས།། རྟ་མགྲིན་ཞགས་པ་སྤུ་གྲི་དམར།། འདོད་རྒྱལ་དམར
228b5 སྐྱ་བྷནྡྷ་ར་ཡབ།། བདུད་རྩི་ལྡང་ནག་རྒྱ་གྲམ་དྲིལ།། ཁམས་རྒྱལ་སྦྲུལ་ཞགས་རྡོ་རྗེ་མཐིང་།། སྟོབས་ཆེན་དུད་ཁ་ཟོ་བ་ཞགས།། ཡུམ་རྣམས་ཡབ་ཀྱི་མདོག་ལྡན་ཞིང་།། སྒྲ་འབྱིན་མ་ནི་གཡས་བེ་ཅོན།། སྙེམས་མ
228b6 རལ་གྱི་འཛིན་པར་མཛད།། རྡོ་རྗེ་སྡེར་མོ་ལྕགས་ཀྱུའོ།། དུར་ཁྲོད་བདག་མོ་ཐོད་དབྱུག་འཛིན།། གཏུན་ཁུང་མ་ནི་ཐོ་བའོ།། རྡོ་རྗེ་གཏུམ་མོ་སྤུ་གྲི་འཛིན།། རྡོ་རྗེ་མདའ་སྙེམས་ཐོ་བ་ཅན།། རླུང་འབྱིན་མ་ནི་དགྲ
iiif viewer powered by OpenSeadragon
