| e-texts navigator |
| Wylie |
223b1 ཡང་གྲགས་པར་མི་འགྱུར་རོ།། དེ་བས་ན་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རིག་པ་འཛིན་པ་རང་བཞིན་གྲུབ་པ་དང་། ས་ལ་སྤྱོད་པ་དང་། ཚེ་རིང་བར་དབང་བ་དང་། དེ་བཞིན་གཤེགས་པ་དག
223b2 གི་ཐུགས་ཉེ་བའི་སྲས་སུ་གྱུར་པ། ཁྱེད་རྣམས་ཀྱིས་ཡང་དག་པར་ཟུང་ཞིག་ལོངས་ཤིག་ཆོངས་ཤིག། ཀློག་ཅིག། སྒྲུབས་ཤིག་གཞན་དག་ལ་ཡང་རྒྱ་ཆེར་རབ་ཏུ་སྟོན་ཅིག། འདི་ནི་ངའི་བསྟན་པ་བླ་ན་མེད་པ། གོང
223b3 ན་མེད་པ། མཉམ་པ་མེད་པ། མཚུངས་པ་མེད་པ། དཔེ་མེད་པ། ཟླ་མེད་པ། མཆོག་ཏུ་གྱུར་པ། རབ་དང་གཙོ་བོ་དང་། ཕུལ་དང་དམ་པར་གྱུར་པ་སྟེ། རྙེད་པར་དཀའ་ཞིང་ངོ་མཚར་བ་འདི། ཁྱེད་རྣམས་ལ་རྗེས་སུ
223b4 གཏད་ཀྱིས། ངའི་བསྟན་པ་འདི་ཡལ་བར་མ་དོར་ཅིག་འདི་ཉམས་པར་འགྱུར་ཏ་རེ། ཞེས་གསུངས་ནས། ཉིད་ཀྱི་སྐུ་དང་གསུང་དང་ཐུགས་ཀྱི་རྣམ་པར་འཕྲུལ་པའི་བཀོད་པ་རྒྱ་ཆེན་པོ་དེ་དག་འོད་ཟེར་གྱི་ཚུལ་དུ
223b5 སྤྲོ་བ་མཛད་དེ། ཡང་ཉིད་ཀྱི་སྐུ་གསུང་ཐུགས་རྡོ་རྗེ་ཡབ་ཡུམ་གཉིས་སུ་མེད་པའི་སྦྱོར་བའི་ཀློང་དུ་རབ་ཏུ་བསྡུས་ནས། རོལ་པ་ཆེན་པོའི་འོད་ཟེར་གྱིས་ཁྱབ་པར་མཛད་དེ། ཐམས་ཅད་ཀྱང་ཆོས་ཀྱི་དབྱིངས
223b6 དམིགས་སུ་མེད་པ་མཉམ་པ་ཉིད་གཡོ་བ་མེད་པ་ལ་རབ་ཏུ་ཞུགས་པར་གྱུར་ཏོ།། དཔལ་དབང་ཆེན་འདུས་པ་རྩ་བའི་རྒྱུད་ལས། ཡོངས་སུ་བསྟན་པའི་ཉེ་བར་གཏད་པའི་ལེའུ་སྟེ་བཅུ་གསུམ
iiif viewer powered by OpenSeadragon
