| e-texts navigator |
| Wylie |
223a1 སྣང་བ་མཐའ་ཡས་དང་། སྤྱན་རས་གཟིགས་དབང་ཕྱུག་ལ་སོགས་པ། པདྨའི་རིགས་འཆང་བའི་དེ་བཞིན་གཤེགས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་དད་པ་དང་འདུན
223a2 པ་དང་མོས་པ་དང་གསོལ་བར་བྱེད་པ་དེ་དག་ལ་ནི། བདག་ཅག་རྣམས་ཀྱི་ཚེ་དང་སྟོབས་དང་དབང་ཕྱུག་དང་། གྲགས་པ་དང་ལོངས་སྤྱོད་དང་། ཡོན་ཏན་གྱི་ཚོགས་དག་མྱུར་དུ་སྩོལ་བར་བྱེད་དོ།། གཞན་ཡང་ངའི
223a3 སྐུ་དང་། གསུང་དང་ཐུགས་ཀྱི་དེ་ཁོ་ན་ཉིད་ཡང་དག་པར་ཡོངས་སུ་ཤེས་པར་འདོད་པའི་ཡོན་ཏན་དག་ལ། བདེ་བ་དང་དགའ་བ་དང་སྤྲོ་བར་ལོངས་སྤྱོད་པར་ནུས་པ་དག་གིས་ནི། ང་དང་དུས་གསུམ་དུ་ཕྱོགས
223a4 བཅུ་དག་ན་འཚོ་ཞིང་ཞེས་པའི་སངས་རྒྱས་བཅོམ་ལྡན་འདས་རྣམས་ཀྱི་ཐུགས་མཉེས་པར་བྱས་ཤིང་གཉིས་སུ་མེད་པར་བསྒྲུབ་པ་ཡིན་ཏེ། ངའི་ཚུལ་འདི་ལྟ་བུ་འདི་ལ་ནི། གང་ཟག་དབང་པོ་དམན་པ་དང་། བློ་ཆུང
223a5 བ་དང་། ཤེས་རབ་རྟུལ་བ་དང་། ཡིད་མི་གཞུང་བ་དང་། བླང་བ་དང་དོར་བར་སྤྱོད་པ་དང་། ཉན་ཐོས་དང་། རང་སངས་རྒྱས་ཀྱི་ཐེག་པ་ཅན་དང་། ལོག་པར་བལྟ་བ་ཅན་དང་། སྐལ་པ་ཆུང་ཞིང་མྱོས་པ
223a6 རྣམས་ཀྱིས་གཟུང་བ་དང་། བཅང་བ་དང་། བྲི་བ་དང་། བཀླག་པ་དང་། བལྟ་བ་དང་། བསྒྲུབ་པ་དང་། བསྟན་པ་དང་། བཤད་པ་དང་། མཉན་པ་ལ་སོགས་པའི་རྡོ་མི་ཐོགས་ཤིང་དབང་དུ་མི་འགྱུར་ཏེ། རྣ་ལམ་དུ
iiif viewer powered by OpenSeadragon
