| e-texts navigator |
| Wylie |
152a1 ཚིག་ལ་གནས་པར་གྱུར་ཏོ།། བཅོམ་ལྡན་འདས་དཔལ་ཆེ་མཆོག་འདུས་པ་རྩ་བའི་རྒྱུད་ལས། དམ་ཚིག་ཆེན་པོའི་ལས་ཉེ་བར་བསྒྲུབ་པ་དངོས་གྲུབ་ཀྱི་རིག་འཛིན་གྱི་ལེའུ་སྟེ་ལྔ་པའོ།། །། དེ
152a2 ནས་བཅོམ་ལྡན་འདས་ལ་འདུས་པའི་འཁོར་ཚོགས་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་བཅོམ་ལྡན་འདས། བཅོམ་ལྡན་འདས་ཉིད་ཀྱི་དམ་ཚིག་ཆེན་པོ་རབ་ཏུ་གསལ་བའི་ཚོགས་དེ་དག་ཉེ་བར་བསྒྲུབ་པའི
152a3 གནས་དང་སྟོན་པ་དང་འཁོར་དང་ཡོ་བྱད་ཀྱི་ཁྱད་པར་དང་། དེའི་ཐབས་དང་འབྲས་བུ་དང་། ཡོན་ཏན་གྱི་ཚོགས་ཇི་སྙེད་པ་དག་དུས་ཕྱི་མའི་ཚེ་ན་འབྱུང་བའི་སེམས་ཅན་ཉོན་མོངས་པས་རབ་ཏུ་དཀྲིས་པ་རྣམས
152a4 ཀྱིས་གྲོལ་བ་དང་ཐར་པ་ཐོབ་པར་བྱ་བའི་ཕྱིར་ཐུགས་བརྩེ་བ་ཆེན་པོས་ཉེ་བར་དགོངས་ཏེ་བསྟན་དུ་གསོལ།། ཞེས་གསོལ་པ་དང་། དེ་ནས་བཅོམ་ལྡན་འདས་ཀྱིས་ཉིད་ཀྱི་སྐུ་གསུང་ཐུགས་གསང་བའི་དཀྱིལ
152a5 འཁོར་ཆེན་པོ་བདུན་དང་རྡོ་རྗེའི་དམ་ཚིག་ཆེན་པོའི་སྦྱོར་བའི་བྱིན་རླབས་ཡང་དག་པར་སྤྲོ་བ་བརྒྱད་མངོན་པར་སྤྲུལ་ཏེ་ཀུན་ཏུ་སྣང་བར་མཛད་ནས་འདི་སྐད་ཅེས་བཀའ་སྩལ་ཏོ།། ཨེ་མ་འདུས་པའི་འཁོར་ཚོགས
152a6 རྣམས།། ལེགས་སོ་ལེགས་སོ་ཤིན་ཏུ་ལེགས། ཁྱོད་ཀྱི་དྲི་བ་འདི་ཉིད་ཀྱིས།། བསོད་ནམས་བྱས་པའི་ཁྱད་པར་ནི།། དུས་གསུམ་སངས་རྒྱས་མ་ལུས་པས།། བསྐལ་པར་གསུངས་ཀྱང་མཛད་མི་ནུས།། དེ་བས་རིགས
iiif viewer powered by OpenSeadragon
