| e-texts navigator |
| Wylie |
151b1 གྱི་གནས་ཀྱི་རིགས་རྗེས་སུ་གཟུང་བར་གྱིས་ཤིག། བྲམ་ཟེ་གཞོན་ནུའི་སྤྲིན་ལ་སོགས་པ་རྣམས་ཀྱི་ནི་སྨན་ཆེན་པོའི་བཅུད་ཀྱི་ལེན་གྱིས། སེམས་ཅན་གྱི་རིགས་ཀྱི་ཚེ་དང་ཁ་དོག་དང་སྟོབས་དང་ལང་ཚོ་བཀྲག་དང
151b2 གཟི་བརྗིད་རྣམས་འཕེལ་བར་བྱ་བའི་ཕྱིར་རིགས་རྗེས་སུ་གཟུང་བར་གྱིས་ཤིག་འབྲས་སྐྱོང་གི་བུ་མོ་དང་། ཛམ་བྷ་ལ་དང་། ད་བ་ཤུའི་བུ་མོ་དང་། ལྷ་དང་ཀླུའི་བུ་མོ་རྣམས་ཀྱིས་ནི་རང་རང་གི་ལོངས་སྤྱོད་པའི
151b3 རྫས་གང་གིས་ལོངས་སྤྱད་པ་དེ་དག་ལ།། སོ་སོའི་བཅུད་དང་བྱིན་གྱིས་རླབས་དང་དངོས་གྲུབ་གསོལ་བའི་ཕྱིར་རིགས་རྗེས་སུ་གཟུང་བར་གྱིས་ཤིག། ཁྱེད་རྣམས་ནི་བཅོམ་ལྡན་འདས་ཀྱི་ཕྲིན་ལས་ཡང་དག་པར
151b4 གཟུང་བའི་ཕྱིར་མངོན་དུ་མཛད་པ་ཡིན་གྱིས་དོན་ཆེན་པོ་ཡལ་བར་དོར་བར་མ་བྱེད་ཅིག་ཅེས་སྨྲས་པ་དང་། ཚངས་པ་དང་དྲང་སྲོང་ལ་སོགས་པའི་འཁོར་དེ་དག་གིས་འདི་སྐད་ཅེས་སྨྲས་སོ།། ཀྱེ་བཅོམ་ལྡན་འདས
151b5 བདག་ཅག་ལ་སོགས་པ་སེམས་ཅན་ཐམས་ཅད་ཐུགས་རྗེ་ཆེན་པོས་ཡོངས་སུ་འཛིན་པར་མཛད་པའི་ཀུན་ཏུ་བཟང་པོ་ཧེ་རུ་ཀ་ཆེ་བའི་མཆོག་ཏུ་གྱུར་པ་ཁྱོད་ལ་ཕྱག་འཚལ་ལོ།། བདག་ཅག་རྣམས་ནི་ཁྱོད་འཁོར་དང
151b6 བཅས་པ་རྣམས་ཀྱིས་ཇི་ལྟར་བསྒོ་བ་དང་། མ་འོངས་པའི་གང་ཟག་རྣམས་ཀྱིས་སྨོན་ཅིང་ལྟོས་པ་ལས་བདག་ཅག་འདའ་བར་བྱེད་རེ་ཀན་ཞེས་བྲོ་བོར་རོ།། སརྦ་པཉྩ་ཨ་མྲྀ་ཏ་ས་མ་ཡ་ན་ར་ཀན་ཞེས་བརྗོད་དེ། ཐ
iiif viewer powered by OpenSeadragon
