| e-texts navigator |
| Wylie |
99b1 ཤར་ལ་སོགས་མཚམས།། སྟེང་དང་འོག་སྡེ་ཕྱོགས་བཅུ་རུ།། རྣམ་པར་འཕྲོས་པའི་རྒྱན་དང་བཅས།། འདས་དང་མ་འོངས་ད་ལྟར་ཡང་།། བྷ་ག་ཡངས་པའི་ཀློང་ལས་ནི།། བྱུང་དང་འབྱུང་འགྱུར་གནས་པ་ཉིད།། དེ
99b2 ལས་གཞན་ཡང་དཔའ་བོ་ཡི།། རྒྱུད་བསྐུལ་ཐུགས་དམ་བསྐང་བ་སྟེ།། བདེ་སྟོང་རོལ་པའི་རྣམ་འགྱུར་ལས།། སྦྲུལ་དང་ཡང་སྦྲུལ་དེར་སྤྲུལ་ཞིང་།། ཕྱོགས་བཅུར་དཔག་ཏུ་མེད་འགྱེད་པའི།། རྒྱན་གྱི་རྣམ་རོལ་མང
99b3 པོ་ཡང་།། ཀུན་ཏུ་སྣང་ཞིང་ཡང་ལ་སྤྲོ།། དགའ་བཞི་ཡེ་ཤེས་སྤྲོས་དང་བྲལ།། འདོད་ཆགས་ལ་སོགས་དུག་རྣམས་ཀྱང་།། ཉིད་ཀྱི་ཀློང་ལས་རང་བྱུང་ཞིང་།། ཉིད་ཀྱི་དབྱིངས་ལས་རང་སར་ཐིམ།། དེ་ལྟར་ཡང་དག
99b4 དེ་ལས་གཞན།། གཡོ་བ་མེད་ལས་རྣམ་པར་གཡོ།། གཡོ་བའི་རླབས་ཀྱིས་ཡོངས་ལ་ཁྱབ།། ཡོངས་ལ་ཁྱབ་ཅིང་ཡོངས་ལ་གསལ།། གསལ་བ་ཐམས་ཅད་ས་ལེར་སྣང་།། དེ་ཡང་བཟང་མོའི་དགོངས་པར་རོ།། དེ
99b5 ལྟར་དཔའ་མོ་ཡུམ་ཉིད་ལས།། སྣང་བ་མ་འགགས་རྩལ་ཡེ་ཤེས།། འུབ་ཆུབ་ཆེན་པོར་འདུས་པའོ།། བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ཡེ་ཤེས་ལྷའི་དཔའ་མོ་ཡུམ་གྱི་སྣང་ཚུལ
99b6 བསྟན་པའི་ལེའུ་སྟེ་དགུ་པའོ།། སྠི།། ། རྣམ་རོལ་སྤྲུལ་པའི་འཁོར་རྣམས་ཉོན།། ཡེ་ཤེས་དཀྱིལ་འཁོར་ལྷ་རྣམས་ཀྱི།། འཁོར་གྱི་རྣམ་གྲངས་ཡང་དག་བརྗོད།། སྐུ་དང་གསུང་དང་ཐུགས་དང་ཡང་།། ཡོན
iiif viewer powered by OpenSeadragon
