| e-texts navigator |
| Wylie |
98b1 རོལ་ཆོ་འཕྲུལ་དཔག་མེད་པས།། སྐྱོ་དང་དུབ་མེད་ཀུན་ཏུ་སྤྱོད།། གང་དང་གང་ལ་སྤེལ་བྱེད་ཅིང་།། སྒྲིབ་མེད་ཡང་དག་ཀུན་ལ་སྦྱོར།། བརྟུལ་ཞུགས་སྤྱོད་པས་འགྲོ་དོན་མཛད།། ཨེ་མ་འདི་དག་རྨད་དུ
98b2 བྱུང་།། དགོངས་པ་ཡོངས་རྫོགས་དཀྱིལ་འཁོར་བཀྲ།། བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ཡེ་ཤེས་ལྷའི་ཕྱག་མཚན་གྱི་རྣམ་པར་དབྱེ་བ་འཛིན་ཚུལ་བསྟན་པའི་ལེའུ་སྟེ་བདུན་པའོ།། །
98b3 སྒྲ།། ། སྤྲུལ་པའི་འཁོར་རྣམས་གུས་པར་ཉོན།། ཡེ་ཤེས་ལྷ་ཡི་དཀྱིལ་འཁོར་དུ།། དཔའ་བོ་ཡབ་ཀྱི་རྣམ་རོལ་ནི།། ཐབས་ཀྱི་ཡེ་ཤེས་ཚུལ་བསྟན་པ།། དོན་ལ་ཡབ་ཡུམ་རིས་མེད་ཀྱང་།། སྣང་ཚུལ་གདུལ་བྱ
98b4 འདུལ་དོན་དུ།། ཐབས་དང་ཤེས་རབ་འདུ་འཕྲོད་པས།། ཕན་ཚུན་ཕྱི་ནང་གཡས་དང་གཡོན།། གཉིས་སྦྱོར་ཉོན་མོངས་བྲལ་བ་སྟེ།། དག་པའི་སྐད་ཅིག་སོ་མ་ལ།། མ་དག་ལོ་འདབ་སྐྱེ་བ་ན།། གཡོ་མེད་དག་པའི
98b5 རང་སྣང་སྐུ།། འདི་ཀུན་ཐབས་ཀྱི་རྒྱལ་པོ་ཡིན།། ཉོན་མོངས་ལ་སོགས་འཁོར་རྣམས་འཇིག། ཕུང་པོ་གང་ཡང་གཏོར་བའི་རླུང་།། འདི་ཀུན་རབ་མཆོག་ཡེ་ཤེས་ཡིན།། རྩལ་ཆེན་དཔའ་བོ་ཧེ་རུ་ཀ། ཡབ་ཀྱི་ཚུལ་དུ
98b6 རྣམ་པར་སྣང་།། བཟང་པོའི་སྤྲུལ་པ་རང་བྱུང་བ།། གསལ་ཙམ་མ་ཡིན་ཆེ་བར་གྲགས།། དཔལ་ཆེན་བརྟུལ་ཞུགས་ནས་སྟོབས་འཛིན།། གཡུལ་ལས་རྣམ་པར་རྒྱལ་བ་སྟེ།། ཀུན་ཀྱང་འཇོམས་པའི་དཔལ་དུ
iiif viewer powered by OpenSeadragon
