| e-texts navigator |
| Wylie |
97b1 བྱེད།། དམིགས་པ་དང་བཅས་དམིགས་པ་བྲལ།། ཕྱག་རྒྱ་དུ་མར་ཡང་ཡང་སྤྲོས།། ཀུན་ལ་ཆ་ཡིས་སྙོམས་པར་འགྱུར།། མདོར་ན་གང་ཡང་སྐུ་དང་བཅས།། དཀྱིལ་འཁོར་རིམ་པ་ལས་ཀྱི་ནི།། འཇུག་དང་འཕོ་བའི
97b2 རྣམ་འགྱུར་ལས།། སྣ་ཚོགས་ལས་ཀྱི་ཆོ་ག་འབྱུང་།། བཀྲེས་པ་ལ་སོགས་གདུང་བ་སེལ།། དུཿཁའི་གནས་ལས་དེ་བཟློག་ཅིང་།། མཐར་ཕྱིན་གྲོང་མཆོག་བགྲོད་པའོ།། བླ་མ་ཡི་དམ་མཁའ་འགྲོ་ཐམས་ཅད་ཀྱི་སྐུ
97b3 རྒྱུད་ཤེལ་གྱི་རི་བོ་ལས། ཡེ་ཤེས་ལྷའི་རྣམ་འགྱུར་མཛད་པའི་ཕྲིན་ལས་བསྟན་པའི་ལེའུ་སྟེ་དྲུག་པའོ།། སྠི།། ། གཟུགས་ཀྱི་རྡོ་རྗེ་ལ་སོགས་པའི།། མ་ངེས་སེམས་དཔའི་འཁོར་རྣམས་ཉོན།། ཡེ་ཤེས་རོལ
97b4 པའི་ལྷ་རྣམས་ཀྱི།། ལོངས་སྤྱོད་རྒྱན་གྱི་ཕྱག་མཚན་དང་།། དེ་དག་ཚུལ་གྱི་རྣམ་འགྱུར་ནི།། གདུལ་བྱའི་རེ་འདོད་བསྐང་དོན་དུ།། རྣམ་པ་སྣ་ཚོགས་དང་ལྡན་པ།། བརྡ་དང་རྟགས་ཀྱིས་ཀུན་སྤྱོད་དེ།། འཁོར་ལོ་རྡོ་རྗེ
97b5 རིན་པོ་ཆེ།། པདྨ་རྒྱ་གྲམ་རྣམ་པ་ལྔ།། བདེ་གཤེགས་མཚན་ཉིད་འཛིན་པའོ།། གྲི་གུག་རལ་གྲི་དགྲ་སྟ་དང་།། མདའ་གཞུ་ཟངས་གྲི་ཁ་ཊྭཱཾ་ག། མདུང་ཟུང་སྤུ་གྲི་རེག་ཆོད་དང་།། ཆུ་གྲི་དང་ནི་མཚོན་ཆ་ཡིས།། ཉོན
97b6 མོངས་ལ་སོགས་རྣམ་རྟོག་འཇོམས།། ཕུར་པ་ཐོ་བ་གཏུན་ཤིང་དང་།། ཐོད་དབྱུག་ཚོན་གྱི་གྲུ་གུ་དང་།། གནམ་ལྕགས་ཐོ་ལུམ་དུག་གི་གྲི།། མ་རུངས་བདུད་དང་རུ་ཏྲ་འདུལ།། རྒྱུ་མ་སྦྲུལ་དང་རྡོ་རྗེ་ཡི།། ཞགས་པས
iiif viewer powered by OpenSeadragon
