| e-texts navigator |
| Wylie |
97a1 དང་རྒྱས་པར་མཛད།། དེ་བཞིན་དབང་དྲག་ཕྲིན་ལས་མཛད།། སྣ་ཚོགས་ལས་རྣམས་དབང་བསྐུར་མཛད།། གང་ཡང་དངོས་དང་དངོས་མིན་གྱི།། འཁོར་དང་སྤྲུལ་པས་གཞན་དོན་མཛད།། མོས་པ
97a2 རྣམས་ལ་མོས་སྣང་མཛད།། མ་མོས་པ་ལའང་དེ་དག་གི། འདུལ་ཐབས་ཆོ་འཕྲུལ་དུ་མ་ཡིས།། ཞི་དང་དྲག་དང་ཕྱེད་མ་དང་།། བརྩེ་བའི་ཉམས་ཀྱིས་དཔའ་བརྟུལ་སྟོན།། སྣང་མཛད་རོལ་པ་ཡེ་ཤེས་སྐུ།། གཅིག།
97a3 ལས་དུ་མར་འགྱེད་པ་དང་།། དེ་ལས་དེ་བཞིན་རིམ་གྱིས་སྤྲོས།། མང་པོ་གཅིག་ཏུ་དྲིལ་ནས་ནི།། ཅི་བཞིན་འགྲོ་དོན་ཐབས་ཀྱིས་བརྩོན།། ས་འོག་ས་བླ་ས་སྟེང་དང་།། དེ་དང་དེ་ལས་གཞན་པ་རྣམས།། རྣམ་པར
97a4 གཡོ་ཞིང་ལས་ལ་སྦྱར།། འཁྲུགས་མར་སྣ་ཚོགས་རོལ་པར་སྟོན།། དཔའ་དང་རོལ་པ་ཉམས་ཀྱིས་ཀྱང་།། སྐུ་དང་གསུང་དང་ཐུགས་དང་ཡང་།། མཉམ་རོལ་སྤྲུལ་པ་ཡང་དང་ཡང་།། རྣམ་འགྱུར་མཛད་པའི་ཕྲིན
97a5 ལས་ཀྱིས།། ལུས་ལ་སྐུ་དང་ངག་ལ་གསུང་།། དེ་བཞིན་སེམས་ལ་ཐུགས་ཀྱིའོ།། རྒྱན་གྱི་འཁོར་ལོ་རབ་བསྐོར་བས།། ཕྱི་ནང་གསང་བའི་ཚུལ་གྱིས་ནི།། བསྐལ་པ་གྲངས་འདས་གདུལ་བྱ་ལ།། རྫས་རྣམས་དུ་མས
97a6 འདུལ་ཐབས་སྟོན།། ཐབས་དང་ཤེས་རབ་རྣམ་གཉིས་ཀྱི།། རྩ་བ་ཡན་ལག་བཅས་པ་ཡི།། རྣམ་འགྱུར་དཔག་ཏུ་མེད་པ་ཡང་།། བརྡ་དང་བཅས་པའི་ཕྲིན་ལས་རྣམས།། ཆར་གྱི་རྒྱུན་བཞིན་འབབ་པར
iiif viewer powered by OpenSeadragon
