| e-texts navigator |
| Wylie |
96b1 ཀྲུང་ལ་སོགས་རོལ་པར་གནས།། ཞི་མ་ཁྲོ་ཡི་རྣམ་པ་ནི།། གཅིག་ཏུ་མ་ངེས་སྣ་ཚོགས་ཚུལ།། འཛུམ་ལ་ངར་བའི་རྣམ་པ་ཅན། ཁྲོ་ལ་ཞི་བའི་ཆོ་འཕྲུལ་དང་།། སྐུ་ནི་ཞི་ལ་རྣམ་འགྱུར་ཁྲོ།། རྣམ་འགྱུར་ཞི་ལ་ཆ་ལུགས
96b2 ཁྲོ།། ཆ་ལུགས་ཞི་ལ་སྟངས་སྟབས་ཁྲོ།། སྤྱན་དང་ཞལ་གྱི་རྣམ་འགྱུར་ཡང་།། གཅིག་ཞི་གཅིག་ཁྲོ་ཕྱེད་མའི་ཚུལ།། མཆེ་བ་སྦས་པའི་སོ་མདངས་ཅན།། བཞད་ན་སྤྱན་གྱི་རྣམ་འགྱུར་ཁྲོ།། འཛུམ་ཞིང་ཁྲོ་གཉེར
96b3 བསྡུས་པ་ཅན།། ཞི་ཞི་འདྲ་ལ་ཁྲོ་ཞིང་རྔམས།། རྔམ་རྔམ་འདྲ་ལ་རབ་ཏུ་ཞི།། གཡོ་བའི་རྣམ་པས་རོལ་པ་སྟེ།། ཀུན་ཀྱང་སྦྲུལ་དང་ཡང་སྦྲུལ་ལོ།། དེ་ལྟར་ཞི་དང་ཁྲོ་བོ་དང་།། ཕྱེད་མ་ལ་སོགས་གང་དང་གང་།། རྒྱན
96b4 དང་ཆ་ལུགས་དཔག་ཏུ་མེད།། ལ་ལ་གདུལ་བྱ་འདུལ་སླད་དུ།། ལ་ལ་རྣམ་རོལ་གར་གྱི་ཚུལ།། ལ་ལ་འཇུག་ཚུལ་ཐ་དད་དེ།། ལོངས་སྤྱོད་རྫོགས་དང་སྤྲུལ་པའི་སྐུ།། ངེས་དང་མ་ངེས་དེ་བཞིན་ནོ།། བླ་མ་ཡི་དམ
96b5 མཁའ་འགྲོ་ཐམས་ཅད་ཀྱི་སྐུ་རྒྱུད་ཤེལ་གྱི་རི་བོ་ལས། ཡེ་ཤེས་ལྷའི་རྒྱན་དང་ཆ་ལུགས་བསྟན་པའི་ལེའུ་སྟེ་ལྔ་པའོ།། སྠི།། ། ཡང་འདུས་སེམས་དཔའི་འཁོར་ཚོགས་ཉོན།། གསལ་སྣང་ཡེ་ཤེས
96b6 ལྷ་རྣམས་ཀྱི།། རྣམ་འགྱུར་མཛད་པའི་ཕྲིན་ལས་ནི།། ཕྱི་ནང་གསང་བ་བསམ་མི་ཁྱབ།། དབྱིངས་དང་ཡེ་ཤེས་རྣམ་རོལ་པ།། ཀུན་རྫོབ་ཙམ་དུ་སྣ་ཚོགས་སྣང་།། དོན་དམ་རྣམ་ངེས་ཡོངས་ལ་འདྲེས།། ཞི་བར་མཛད
iiif viewer powered by OpenSeadragon
