| e-texts navigator |
| Wylie |
96a1 འོད་གདལ།། ཆགས་བྲལ་ཉོན་མོངས་ངང་གིས་འཇིལ།། རྒྱན་དང་ཆ་ལུགས་རྣམས་མ་ངེས།། རོལ་པའི་སྟབས་ཀྱིས་བཞུགས་པའོ།། དེ་བཞིན་གནས་སྐབས་ཞི་བ་ནི།། མཛེས་ཤིང་ཡིད་འོང་རྒྱན
96a2 གྱིས་སྤྲས།། གཞོན་ཤ་ཆགས་ཤིང་བག་དང་ལྡན།། ཀུན་ལྡན་ཡེ་ཤེས་སྤྱན་རབ་མཛེས།། གདུལ་བྱའི་དོན་དུ་ཞི་བ་ནི།། སྤྲུལ་པའི་འོད་ཟེར་ཕྱོགས་བཅུར་འགྱེད།། ཡེ་ཤེས་སྣང་བ་ལམ་མེར་སྟོན།། གང་ལ་གང
96a3 འདུལ་མཛད་པ་མཛད།། རྣམ་འགྱུར་སྟབས་ཀྱིས་ཞི་བ་ནི།། ཐམས་ཅད་ཡོངས་ལ་ཁྱབ་པར་བརྩེ།། ལོག་སྤྱོད་བྱམས་པའི་ཤུགས་ཀྱིས་འདུལ།། ཉེར་ཞི་ཀུན་དང་མཐུན་པ་སྟོན།། མངོན་པར་འཕགས་པའི་ཞི་བ
96a4 ནི།། ཚད་མེད་བཞི་ཡི་དཔྱང་ཟག་ཅན།། གདལ་བ་ཆེན་པོ་ཀུན་ལ་སྙོམས།། ཐང་ལྷོད་སྐྱོ་དུབ་མེད་པའོ།། ཀུན་ཀྱང་ཆ་ལུགས་རྒྱན་རྣམས་ནི།། འཇམ་མཉེན་དར་གྱི་ཅོད་པན་དང་།། སྟོད་གཡོགས་སྨད་དཀྲིས
96a5 འཇའ་སྣམ་རིས།། སྤྱི་གཙུག་མཐོན་ཀ་རིན་ཆེན་ཏོག། རྩེ་བྲན་ཕྲོག་ཞུ་པ་ཏྲ་ཅན།། མགུར་ཆུ་སྙན་ཡོད་འཁོར་ལོ་རིས།། ཕྱག་ཞབས་དཔུང་རྒྱན་གདུ་བུ་དཀྲིས།། སེ་མོ་དོ་དང་དོ་ཤལ་ཅན།། སྣ་ཚོགས་རིན་ཆེན་ཕྲ
96a6 རྣམས་ཀྱིས།། སྟོད་སྨད་སྐུ་ཡི་རྒྱན་དུ་བྱས།། གཞན་ཡང་རུས་པའི་ཕྲེང་བ་དང་།། སྣ་ཚོགས་དར་གྱི་ཕོ་ལོང་སྤྲས།། མཉེན་ལྕུག་ཞི་སྒེག་འཁྲིལ་ལྡེམ་ཅན།། བཞེངས་དང་བཞུགས་དང་སྟངས་སྟབས་ཀྱི།། སྐྱིལ
iiif viewer powered by OpenSeadragon
