| e-texts navigator |
| Wylie |
95b1 བསྟུན་ནས་སུ།། དེ་ལ་ཆ་ལུགས་ངེས་པ་མེད།། སྤྲུལ་པ་ལྟ་བུར་ཁྲོ་བ་ནི།། ཞི་བའི་ངང་ལས་ཁྲོ་སྐུར་སྣང་།། གང་ལ་ཅི་འདུལ་རྣམ་འགྱུར་ཅན།། རྣམ་པ་སྣ་ཚོགས་སྤྱོད་པའོ།། རྣམ་འགྱུར་ཤུགས་ཀྱིས་ཁྲོ་བ
95b2 ནི།། སྟངས་སྟབས་རྣམ་པ་མང་པོ་དང་།། རོལ་པའི་ཆ་ལུགས་དུ་མར་བཅས།། དྲག་པོའི་ཤུགས་ཀྱིས་རྩུབ་འཁྲུགས་སྟོན།། ཡེ་ཤེས་ལྷ་ཡང་སྐྲག་བྱེད་ན།། ཉམས་པ་རྣམས་ནི་ལྟ་ཅི་སྨོས།། ཐམས་ཅད་བརྒྱལ་ཞིང
95b3 རེངས་པར་བྱེད།། ཡེ་ནས་ཁྲོ་བར་བསྔགས་པའོ།། ཁྲོ་ཚུལ་ཡན་ལག་བཅས་པ་ནི།། གར་དགུའི་ཉམས་དང་ལྡན་པ་སྟེ།། མགོ་དང་ཡན་ལག་མང་པོ་ཡིས།། སོ་སོར་ལས་བྱེད་ཕྲིན་ལས་སྐྱོང་།། དེ་ལྟར་ཁྲོ་དགུ་གང་ལ
95b4 ཡང་།། ལུས་སྟོབས་ལྡན་ཞིང་ཡན་ལག་རགས།། སོ་དང་མཆེ་བ་རབ་ཏུ་རྣོ།། ཁ་གདངས་མིག་བགྲད་ཁྲོ་གཉེར་བསྡུས།། སྨིན་མ་ཨག་ཚོམ་མེ་ལྟར་འབར།། རྐང་ལག་སེན་མོ་ལྕགས་ཀྱུ་འགུགས།། སྐྲ་དང་བ་སྤུ
95b5 མཚོན་ཆར་གཟེངས།། དཔའ་རྟགས་དུར་ཁྲོད་ཆས་རྣམས་དང་།། དར་དང་རིན་ཆེན་དུ་མས་སྤྲས།། མེ་དཔུང་འབར་བའི་ཀློང་ནས་འགྱིང་།། ལུས་ལ་སྤྲུལ་པ་དུ་མ་འགྱེད།། ཞི་བ་ལ་ཡང་རྣམ་པ་ལྔ།། ཡེ་ནས་ཞི་དང
95b6 གནས་སྐབས་ཞི།། གདུལ་བྱའི་དོན་དུ་ཞི་བ་དང་།། རྣམ་འགྱུར་སྟབས་ཀྱིས་ཞི་བ་དང་།། མངོན་པར་འཕགས་པས་ཞི་བ་དང་།། དེ་ཡང་ཡེ་ནས་ཞི་བ་ནི།། གདོད་ནས་སྐྱེ་བ་མེད་པའི་ཀློང་།། ཐུགས་རྗེ་ཀུན་སྣང་ཉི
iiif viewer powered by OpenSeadragon
