| e-texts navigator |
| Wylie |
91b1 ཆགས་བྱེད་འབྱུང་བ་ལྔ་ཡི་བདག། བདེ་སྟོང་ཟག་མེད་རོ་ཡིས་ཚིམས་པར་བྱེད།། དཔའ་བོ་ཆེན་པོ་རིག་འཛིན་ཐོད་པ་རྩལ།། མཁའ་འགྲོ་ཉི་ཟླ་སྟོང་གི་ཐོད་ཕྲེང་ཅན།། ཡབ་ཡུམ་གཉིས་ཀྱི་ཆོ་འཕྲུལ་འཁོར་གྱི
91b2 ཚོགས།། ལྷུན་གྱིས་གྲུབ་དང་ཕྱག་རྒྱ་ཆེན་པོ་དང་།། ཚེ་ལ་དབང་དང་རྣམ་སྨིན་རིག་འཛིན་ཏེ།། དམ་ཚིག་དབང་དང་མན་ངག་ལུང་དང་ནི།། ཤེས་རབ་རྒྱུད་དང་ཉམས་ཆག་སྐོང་བ་སྟེ།། དེ་དག་རིག་འཛིན་བཞི་དང
91b3 སློབ་དཔོན་བཞི།། སྤྱན་གཅིག་མ་དང་རྣལ་འབྱོར་དགྱེས་སྡེ་མ།། དབང་གི་ལྷ་མོ་རྣལ་འབྱོར་རོ་ལངས་མ།། དམ་ཚིག་བདག་མོ་རྡོ་རྗེ་སྐུལ་བྱེད་མ།། སྐྱོད་བྱེད་ཚངས་མ་ཚེ་འཛིན་རྒྱལ་མོ་སྟེ།། དེ་ལྟར་ཡབ་ཡུམ་རྣམས
91b4 ཀུན་མཆོག་ལ་རོལ།། རྡོ་རྗེ་དྲག་པོ་ཁམས་གསུམ་སྲིད་པའི་བདག། ཡབ་ཡུམ་གཉིས་ཀྱི་ཆོ་འཕྲུལ་འབར་བ་ལས།། ཡ་མ་རཱ་ཛ་སྐོས་རྗེ་དྲང་དཀར་དང་།། སྲིན་མོ་གློག་ཕྲེང་ཡཀྵ་མེ་དཔལ་དང་།། གཟའ་བདུད་སྤུ་གྲི
91b5 ཀླུ་བདུད་མགོ་དགུ་པ།། དབང་ཕྱུག་ཆེན་པོ་མ་ཧཱ་ཀ་ལཱའི་སྐུ།། ཟ་བྱེད་ནག་མོ་བདུད་མོ་རེ་མ་ཏི། ཁྲག་མིག་མ་དང་མོན་མོ་མི་སྲུན་མ།། ལྕམ་གཅིག་མ་དང་ཐོག་གི་བུ་ཡུག་མ།། ཨུ་མ་དེ་བི་ལྷ་མོ་དུང་སྐྱོང
91b6 མ།། བསྟན་པ་བསྲུང་ཚུལ་ཡབ་ཡུམ་འཇིགས་པའི་སྐུ།། སངས་རྒྱས་དཔའ་བོ་ཐོད་པའི་དུམ་བུ་དང་།། སངས་རྒྱས་དཔའ་མོ་གཉིས་མེད་འཁྲིལ་བ་ལས།། སྤྲུལ་པའི་འཁོར་བརྒྱད་ཡབ་ཡུམ་བཅས་པ་ཡང་།། རྡོ་རྗེ
iiif viewer powered by OpenSeadragon
