| e-texts navigator |
| Wylie |
90b1 པ་མེད་པ་ལས།། དེ་བཞིན་ཉིད་ལ་དེ་བཞིན་སྐུ།། གཅིག་པ་ཉིད་ལ་དུ་མར་རོ།། དགག་དང་བསྒྲུབ་པ་མ་མཆིས་ཤིང་།། ཡེ་ཀློང་ཀུན་ཆུབ་ཕྱག་རྒྱར་མཚོན།། རབ་ཏུ་འཁྲུགས་པས་དུ་མར་གསལ།། ཀུན་ཏུ་གདལ་བ
90b2 གཅིག་ཏུ་འདུས།། འདི་དོན་འཕྲུལ་གྱི་ཡང་ཞུན་ནོ།། དེ་ལྟར་གསུམ་གྱི་མཐའ་བཅད་ཕྱིར།། ཀུན་གྱི་སྤྱི་ཕུད་བླ་མ་སྟེ།། ཆོ་འཕྲུལ་དུ་མ་ཡི་དམ་ལྷ།། ཀུན་དོན་རྨད་བྱུང་མཁའ་འགྲོ་ཉིད།། འཁྲུལ་པ་ངན་རྟོགས་དགག
90b3 པ་ཡི།། ཐབས་ཀྱི་རྒྱལ་པོས་འདི་སྨྲས་པ།། དྲི་མེད་མཚོ་གླེང་གེ་སར་རྒྱས་པའི་སྟེང་།། མངལ་གྱིས་མ་གོས་པདྨ་བཛྲ་རྩལ།། བདེ་བའི་རོ་འབྱིན་ལྷ་ལྕམ་མནྡ་ར།། ཐབས་ཤེས་བདེ་སྟོང་གར་གྱི་དབང་ཕྱུག
90b4 མཆོག། རྒྱལ་བ་ཡོངས་ཀྱི་ཐུགས་བཅུད་འདུས་པ་སྟེ།། དེ་ཡི་རྩལ་ལས་རྣམ་འཕྲུལ་དུ་མར་སྣང་།། འདུས་པའི་འཁོར་ཚོགས་ཡབ་ཡུམ་མཆེད་དེ་བརྒྱད།། ཞེ་སྡང་རྡོ་རྗེ་ང་རྒྱལ་རྡོ་རྗེ་དང་།། འདོད་ཆགས་རྡོ་རྗེ་ཕྲག
90b5 དོག་རྡོ་རྗེ་དང་།། གཏི་མུག་རྡོ་རྗེ་བདེ་བའི་རྡོ་རྗེ་དང་།། མཚོ་སྐྱེས་རྡོ་རྗེ་ཁྲག་འཐུང་རྡོ་རྗེ་སྟེ།། དཔའ་བོ་ཡབ་ཀྱི་དགྱེས་པ་སྐོང་བའི་ཡུམ།། སྐྱོད་བྱེད་མ་དང་གཤིན་རྗེ་འཇོམས་མ་དང་།། དེ་བཞིན་སྲེག་བྱེད་མ་དང
90b6 ཙནྟི་ཀ། རྨོངས་བྱེད་མ་དང་ལ་མ་མནྡ་ར།། གསོད་བྱེད་མ་སྟེ་ཐབས་ཤེས་ཡབ་ཡུམ་ཚུལ།། མཐའ་བྲལ་རོལ་པའི་ངང་དུ་རྣམ་པར་གནས།། བུདྡྷ་ཐོད་ཕྲེང་རྩལ་དང་བདེ་ཡི་ཡུམ།། བུདྡྷ་ཌཱཀྐི་རྣམ་པར་རོལ་པ་སྟེ།། དེ
iiif viewer powered by OpenSeadragon
