| e-texts navigator |
| Wylie |
90a1 དེ་སྨོས་པར་བྱ།། འཇུག་པ་རྣམས་ནི་སྒྲོ་དོན་དུ།། རྩ་བ་སྨིན་དང་གྲོལ་བ་དང་།། མཆོག་དང་ཐུན་མོང་བསྒྲུབ་ཕྱིར་དང་།། སྣ་ཚོགས་ལས་ཀྱི་བྱེ་བྲག་རྣམས།། ངེས་པར་འདོད་ལ་གྲངས་མང
90a2 ཡང་།། རྣམ་པར་ངེས་པ་མེད་མོད་ཀྱང་།། གདུལ་བྱའི་དོན་དུ་ངེས་པ་ཅན།། རྐང་གྲངས་མཚན་གྱི་འཇུག་སྒོ་བསྟན།། བླ་མ་ཡི་དམ་ཌཱཀྐི་སྟེ།། ཀུན་དོན་ཡེ་ཤེས་རོལ་པ་ལས།། བརྡ་དང་རྟགས་ཀྱི་རིམ་པར
90a3 སྤྲོས།། ཕྱི་དང་ནང་དང་གསང་བ་སྟེ།། ཐ་མ་འབྲིང་དང་རབ་ཀྱི་བློ།། ངེས་པ་ཅན་དང་ངེས་པ་མེད།། རབ་ཏུ་མ་ངེས་དེ་བཞིན་ཉིད།། ངེས་པ་ཅན་གྱི་ལྷ་སྨོས་པ།། དཔག་ཏུ་མེད་པའི་གཞལ་ཡས་ཁང་།། མཚོན་བྱ
90a4 མཚོན་པར་བྱེད་པའི་སྐུ།། ལྷམ་མེར་ལྷང་ངེར་སྣང་བ་ཅན།། སྟེང་དང་འོག་ཏུ་རྣམ་པར་རྒྱལ།། ཕྱོགས་དང་མཚམས་དང་དབུས་དག་དང་།། ཕྱི་རུ་གསལ་དང་ནང་དུ་གསལ།། བར་རམ་ཡང་ནི་དེ་བཞིན་ཉིད།། རྣམ
90a5 པར་ངེས་པ་ཅན་དུ་སྟེ།། གསལ་འགྲིབ་མེད་པ་རྒྱལ་བའི་སྐུ།། དེ་བཞིན་ཆེ་ཆུང་མཚན་མ་བྲལ།། རྐང་གྲངས་གཅིག་དང་དུ་མ་སོགས།། མཚན་འཛིན་ནོར་བ་རྣམ་པར་སྤང་།། ངེས་པ་མེད་ལ་ལྷ་རང་ཉིད།། གུད་ན
90a6 མ་ཡིན་མཚན་མ་དྲལ།། བརྡ་དང་རྣམ་རོལ་གར་གྱིས་མཚོན།། ཡེ་ཤེས་སྒྱུ་མའི་ལྷར་སྣང་བ།། སྣང་ཙམ་ཉིད་ན་བརྗོད་མཐའ་ཡས།། དེ་ཕྱིར་རྐང་གྲངས་ཆོ་འཕྲུལ་ཏེ།། ཆོ་འཕྲུལ་ཉིད་ལ་ཆོ་འཕྲུལ་ལོ།། རབ་ཏུ་ངེས
iiif viewer powered by OpenSeadragon
